Ae kaash! Tasawwur mein Madine ki gali ho
Aur yaad-e-Muhammad bhi mere dil mein basi ho
Do soz-e-Bilal Aqa mile dard-e-Raza sa
Sarkar ata ishq Awais-e-Qarni ho
Ae kaash! Main ban jaun Madine ka musafir
Phir roti hui Taiba ko baarat chali ho
Phir rehmat-e-Baari se chaloon su-e-Madina
Ae kaash! Muqaddar se muyassar woh ghadi ho
Jab aaun Madine mein toh ho chaak-e-garebaan
Aankhon se barasti hui ashkon ki jhari ho
Ae kaash! Madine mein mujhe maut yun aaye
Chaukhat pe teri sar ho meri rooh chali ho
Jab le ke chalo gor-e-ghareeban ko janaza
Kuch khaak-e-Madine ki mere munh pe saji ho
Jis waqt Nakeerain meri qabr mein aayen
Us waqt mere lab pe naat-e-Nabi ho
Allah karam aisa kare tujh pe jahan mein
Ae Dawat-e-Islami teri dhoom machi ho
Sadqa mere murshid ka karo door balaein
Ho behtari us mein jo bhi armaan-e-dili ho
Allah ki rehmat se toh jannat hi milegi
Ae kaash! Musallay mein jagah un ke mili ho
Mehfooz sada rakhna Shaha! Be-adabon se
Aur mujh se bhi sarzad na kabhi be-adabi ho
Attar hamara hai sarfashar ae kaash!
Dast-e-Shah-e-Batha se yahi chitthi mili ho