Ae Madine ke tajdar tujhe Ahl-e-Imaan salam kehte hain
Tere ushshaq tere deewane jaan-e-jaanan salam kehte hain
Jo Madine se door rehte hain hijr-o-furqat ka ranj sehte hain
Woh talabgar-e-deed ro ro kar ae meri jaan salam kehte hain
Jin ko duniya ke gham satate hain thokarain dar-ba-dar ki khatay hain
Gham naseebon ke chara-gar tum ko woh pareshan salam kehte hain
Door duniya ke ranj-o-gham kar do aur seene mein apna gham bhar do
Un ko pasheman-e-tar ata kar do jo bhi Sultan salam kehte hain
Jo tere ishq mein tarapte hain hazri ke liye taraste hain
Izn-e-Taiba ki aas mein Aaqa woh pur-armaan salam kehte hain
Tere rozay ki jaaliyon ke paas Aaqa reham-o-karam ki le kar aas
Kitne dukhiyare roz aa aa ke Shah-e-Zeeshan salam kehte hain
Arzoo-e-haram hai seene mein ab to bulwaiye Madine mein
Tujh se tujh hi ko mangte hain jo Musalman salam kehte hain
Rukh se parday ko ab utha deeje apne qadmon se ab laga leeje
Ah! jo nekiyon se hain yaksar khaali daman salam kehte hain
Aap Attar kyun pareshan hain?
Bad se badtar bhi zer-e-daman hain
Un pe rehamat woh khaas karte hain
Jo Musalman salam kehte hain