Ahl-e-Sirat-e-Rooh-e-Ameen ko khabar karein
Jaati hai ummat-e-Nabvi farsh par karein
In fitna-ha-e-hashr se kehdo hazar karein
Naazon ke paale aate hain rah se guzar karein
Bad hain to aap ke hain bhale hain to aap ke
Tukdon se to yahin ke pale rukh kidhar karein
Sarkar hum kaminon ke atwaar par na jayen
Aqa hazoor apne karam par nazar karein
In ki haram ke khaar kashida hain kis liye
Aankhon mein aayen sar pe rahen dil mein ghar karein
Jaalon pe jaal pad gaye lillah waqt hai
Mushkil kushayi aap ke naakhun agar karein
Manzil kadi hai shaan-e-tabassum karam karein
Taaron ki chhaon noor ke tadke safar karein
Kilk-e-Raza hai khanjar-e-khoonkhwar barq-e-baar
A'da se kehdo khair manayen na shar karein