Anbiya ke sarwar-o-sardar par lakhon salam
Jhoom kar sarkar par lakhon salam
Rab ke mehboob Ahmad-e-Mukhtar par lakhon salam
Sab pukaro Sayyid-e-Abrar par lakhon salam
Charah-e-be-chargan par hon duroodein sad hazar
Be-kason ke hami-o-ghamkhwar par lakhon salam
Pur-ziya pur-noor pyari darhi par durood
Mustafa ke gesoo-e-khamdar par lakhon salam
Jubba-e-aqdas pe chadar par amame par durood
Jaan-e-alam! Aap ki pizar par lakhon salam
Rehmatein lakhon Abu Bakr-o-Umar-o-Usman par
Mere maula Haidar-e-Karrar par lakhon salam
Karbala ke har shaheed-e-ba-wafa par rehmatein
Bibiyon par, Abid-e-beemar par lakhon salam
Hai yaqeenan har sahabi jaan-nisar-e-Mustafa
Har muhajir aur har ansar par lakhon salam
Masjid-e-Nabvi ke mehrab aur mimbar par durood
Sabz gunbad aur har minar par lakhon salam
Dasht-o-kohsar-e-Madina, khak-e-Tayyaba par durood
Peer, patthar, phool aur har khaar par lakhon salam
Mehki mehki bheeni bheeni hai Madine ki fiza
Us fiza-e-pak-e-khushboodar par lakhon salam
Roshan chehre hue, bal khaye hue
Na'l-e-pak, jooti shareef Madina