Arsh-e-Haq hai masnad-e-riffat-e-Rasool Allah ki
Dekhni hai hashr mein izzat-e-Rasool Allah ki
Qabr mein lehraenge ta-hashr chashm-e-noor ke
Jalwa farma hogi jab tal'at-e-Rasool Allah ki
Kafiron par tegh-e-wala se giri barq-e-ghazab
Abr-e-asa chha gayi haibat-e-Rasool Allah ki
Laa wa Rabbil Arshi jis ko jo mila un se mila
Bat'ti hai kaunain mein ne'mat-e-Rasool Allah ki
Woh jahannam mein gaya jo un se mustaghni hua
Hai Khalil-Ullah ko haajat-e-Rasool Allah ki
Suraj ulte paon palte chand ishare se ho chaak
Andhay Najdi dekh le qudrat-e-Rasool Allah ki
Tujh se aur jannat se kya matlab Wahabi door ho
Hum Rasool Allah ke jannat-e-Rasool Allah ki
Zikr-e-rooke faltu naqs ka joiyan rahe
Phir kahe mardak ke hoon ummat-e-Rasool Allah ki
Najdi us ne tujh ko mohlat di ke is aalam mein hai
Kafir-o-murtad pe bhi rahmat-e-Rasool Allah ki
Hum bhikhari woh kareem un ka Khuda un ka se fuzoon
Aur na kehna nahin aadat-e-Rasool Allah ki
Ahl-e-Sunnat ka hai berah paar ashab-e-Huzoor
Najm hain aur nao hai itrat-e-Rasool Allah ki
Khak ho kar ishq mein aaram se sona mila
Jaan ki akseer hai ulfat-e-Rasool Allah ki
Toot jaenge gunahgaron ke foran qaid-o-band
Hashr ko khul jaegi taqat-e-Rasool Allah ki
Ya Rab ik sa'at mein dhul jaen siyah karon ke jurm
Josh mein aa jae ab rahmat-e-Rasool Allah ki
Hai gul-e-Quds rukhsar-e-zeba-e-Huzoor
Sarw-e-gulzar-e-qadam qamat-e-Rasool Allah ki
Ae Raza khud sahib-e-Quran hai maddah-e-Huzoor
Tujh se kab mumkin hai phir madhat-e-Rasool Allah ki