Chaman-e-Taiba mein sunbal jo sanware gaisu
Hoor barh kar shikan-e-naaz pe waare gaisu
Ki jo baalo se tere roza ki jaroob kashi
Shab ko shabnam ne tabarruk ko hain dhaare gaisu
Ham siyah kaaro pe ya Rab! tapish-e-mahshar mein
Saya afgan ho tere pyaare ke pyaare gaisu
Charche hooro mein hain dekho zara baal-e-buraq
Sunbal-e-khuld ke qurban utaare gaisu
Aakhir-e-hajj-e-gham-e-ummat mein pareshan ho kar
Tira bakhton ki shafa'at ko sudhare gaisu
Josh tak sunte the fariyaad ab aaye tadosh
Ke bane khana badosho ko sahare gaisu
Sookhe dhaano pe hamare bhi karam ho jaaye
Chaye rehmat ki ghata ban ke tumhare gaisu
Kaaba-e-jaan ko pohanchaya hai ghilaf-e-mushkeen
Ur kar aaye hain jo abru pe tumhare gaisu
Silsila-e-pa ke shafa'at ka jhuke paate hain
Sajda-e-shukr ke karte hain ishare gaisu
Mushk-e-boo kucha ye kis phool ka jhaara un se
Hoorio ambar sara hue saare gaisu
Dekho Quran mein shab-e-qadr hai matla-e-fajr
Yaani nazdeek hain aariz ke wo pyaare gaisu
Bheeni khushbu se mehak jaati hain galiyan wallah
Kaise phoolo mein basaye hain tumhare gaisu
Shan-e-Rehmat hai ke shana na juda ho dam bhar
Seena-e-chaakon pe kuch is darja hain pyare geesoo
Shana hai panja-e-qudrat tere baalon ke liye
Kaise hathon ne shaha tere sanware geesoo
Uhad-e-pak ki choti se ulajh le shab-e-bhar
Subah hone do shab-e-Eid ne haare geesoo
Muzdah ho Qibla se ghanghor ghatayein umdein
Abruon par woh jhuke jhoom ke baare geesoo
Taar-e-sheeraza-e-konain hain yeh
Haal khul jaye jo ek dam hon kinare geesoo
Tel ki boondein tapakti nahi baalon se Raza
Subah-e-aariz pe latate hain sitare geesoo