Banda-e-Qadir Bhi Qadir Bhi Hai Abdul Qadir
Sirr-e-Batin Bhi Zahir Bhi Hai Abdul Qadir
Mufti-e-Shar'a Bhi Hai Qazi-e-Millat Bhi Hai
Ilm-e-Asrar Se Mahir Bhi Hai Abdul Qadir
Manba-e-Faiz Bhi Hai Majma-e-Afzal Bhi Hai
Mehr-e-Erfaan Ka Munawwar Bhi Hai Abdul Qadir
Qutb-e-Abdal Bhi Hai Mehwar-e-Irshad Bhi Hai
Markaz-e-Daira-e-Sirr Bhi Hai Abdul Qadir
Silk-e-Erfaan Ki Ziya Hai Yahi Durr-e-Mukhtar
Fakhr-e-Ashbah-o-Nazair Bhi Hai Abdul Qadir
Us Ke Farmaan Hain Sab Sharah-e-Hukm-e-Shari'
Mazhar-e-Nahi-o-Aamir Bhi Hai Abdul Qadir
Zee-Tasarruf Bhi Hai Maazoon Bhi Mukhtar Bhi Hai
Kaar-e-Aalam Ka Mudabbir Bhi Hai Abdul Qadir
Rashk-e-Bulbul Hai Raza Lalah-e-Sad-Daagh Bhi Hai
Aap Ka Wasif-o-Zakir Bhi Hai Abdul Qadir