Gul-e-Bostan-e-Nabi Ghous-e-Azam
Mah-e-Aasman-e-Ali Ghous-e-Azam
Jisay chaahay kar de ata sarbulandi
Mili hai tujhay khusrawi Ghous-e-Azam
Wali ho gaya woh isharay se teray
Sada jis ne ki rehbari Ghous-e-Azam
Barha haath teri taraf muflison ka
Nazar teri janib uthi Ghous-e-Azam
Wali ban gaye dam mein fussaq-o-rahzan
Nazar teri jab par gayi Ghous-e-Azam
Wali qutb-o-abdal-o-autad-o-kamil
Karain tujh se kya hamsari Ghous-e-Azam
Tu woh gul hai bagh-e-Hussain-o-Hassan ka
Ke bu teri sab mein basi Ghous-e-Azam