Ummul Momineen Hazrat Sayyidatina Ayesha Siddiqa Radi Allahu Taala Anha riwayat farmati hain: Main sehri ke waqt ghar mein kapray si rahi thi ke achanak sui hath se gir gayi aur sath hi charagh bhi bujh gaya. Itnay mein Madeenay ke Tajdar, Mushabbi-e-Anwar Sallallahu Taala Alaihi Wa Aalihi Wasallam ghar mein dakhil huye aur sara ghar Madeenay ke Tajdar Sallallahu Taala Alaihi Wa Aalihi Wasallam ke chehra-e-anwar ke noor se roshan-o-munawwar ho gaya aur gumshuda sui mil gayi.
(Al-Qaulul Badee', S. 302, Muassasatur Rayyan Beirut)