Gunahgaron ko haatif se naveed-e-khush amaali hai
Mubarak ho shafa'at ke liye Ahmad sa wali hai
Qaza haq hai magar is shauq ka Allah wali hai
Jo un ki raah mein jaaye woh jaan Allah wali hai
Tera qad-e-mubarak gulban-e-rehmat ki daali hai
Use bo kar tere Rab ne panah-e-rehmat ki daali hai
Tumhari sharm se shaan-e-jalal-e-haq tapakti hai
Kham-e-gardan hilal-e-aasman Zuljalali hai
Zahe khud gum hone pe yeh dhoonde ke kya paya
Are jab tak ke paana hai jahi tak haath khali hai
Main ik muhtaj-e-be-waqat gada tere sag-e-dar ka
Teri sarkar wala hai tera darbar aali hai
Teri bakhshish pasandi, uzr joi, tauba khwahi se
Umoom-e-begunahi, jurm-e-shaan-e-la-ubali hai
Abu Bakr o Umar Usman o Haider jis ke bulbul hain
Jaza sarv-e-sahi us gul-bun-e-khubi ki daali hai
Raza qismat hi khul jaye jo Gilan se khitab aaye
Ke tu adna sag-e-dargah-e-khuddam-e-maali hai
Main jab mar jaun......
Hazrat Thabit Banani Radi Allahu Ta'ala Anhu kehte hain ke mujh se Hazrat Anas bin Malik Sahabi Radi Allahu Ta'ala Anhu ne yeh farmaish ki ke yeh Rasool Allah Sallallahu Alaihi Wasallam ka muqaddas baal hai main jab mar jaun to tum is ko meri zaban ke neeche rakh dena, chunanche main ne un ki wasiyat ke mutabiq un ki zaban ke neeche rakh diya aur woh usi halat mein dafan hue. (Al-Isaba, Anas bin Malik bin An-Nadr, J1, S 276)