Hai Konain ke sar pe rehmat Nabi ki
Kare phir na kyun naaz ummat Nabi ki
Na kyonkar rahe har jagah suniyon par
Khuda ka karam aur inayat Nabi ki
Humein jayenge Khuld mein sab se pehle
Nabi ke hain hum aur jannat Nabi ki
Banaye gaye hum shafaat ki khatir
Hamare liye hai shafaat Nabi ki
Wohi lutf payenge roz-e-qayamat
Jo rakhte hain duniya mein ulfat Nabi ki
Qayamat ka din sirf is waste hai
Ke dikhlayein us roz izzat Nabi ki