Jo Nabi ka ghulam hota hai, qabil-e-ehtram hota hai
Jo ke khauf-e-Khuda se rota ho, qabil-e-ehtram hota hai
Jo gham-e-Mustafa mein rota ho, qabil-e-ehtram hota hai
Jo buray khatmay se darta ho, qabil-e-ehtram hota hai
Jo de neki ki dawat ay bhai, qabil-e-ehtram hota hai
Jo bhi apnaye "Madani Inamaat", qabil-e-ehtram hota hai
Jo bhi hai "Qafilon ka shaidai", qabil-e-ehtram hota hai
Jo bhi rehta hai "Madani hulye" mein, qabil-e-ehtram hota hai
Sunnatain un ki jo bhi apnaye, hashr mein shad-kam hota hai
Dars-e-Faizan-e-Sunnat ay bhai, ghar mein dene se kaam hota hai
Bheer mein jaise Hajar-e-Aswad ka, door se istilaam hota hai
Yun hi ushaq ka watan reh kar, "door se bhi salam hota hai"
Haye doori ko ho gaya arsa, kab ye hazir ghulam hota hai
Kab madine mein haziri hogi, jaane kab mera kaam hota hai
Ya Nabi ye ghulam kab hazir, bahr-e-arz-e-salam hota hai
Jo madine ke gham mein roye woh, hashr mein shad-kaam hota hai
Jo durood-o-salam parhte hain, un pe Rab ka salam hota hai
Kya dabay dushmanon se woh, haami jis ka Khair-ul-Anaam hota hai
Azmaish hai us ki dunya mein, jo yahan nek-naam hota hai
Jo ho Allah ka wali us ka, faiz dunya mein aam hota hai
Jee lagane ki ja nahi dunya, kis ko hasil-e-dawam hota hai
Dar-e-fani mein khush rahe kaise! Jis ka murdon mein naam hota hai
Maut imaan pe aati hai jis par, Fazl-e-Rabb-ul-Anaam hota hai
Qabr roshan usi ki ho jis par, Fazl-e-Rabb-ul-Anaam hota hai
Be-sabab bakhshish us ki ho jis par, Fazl-e-Rabb-ul-Anaam hota hai
Bakhtawar hai madine mein jis ki, umr ka ikhtitam hota hai
Jis se woh khush hon hashr mein hasil, us ko Kausar ka jaam hota hai
Dekho Attar kab mera taiba, jaane walon mein naam hota hai