Karbala ke Jaan Nisaron ko Salam

Karbala ke jaan nisaron ko salam Fatima-tuz-Zahra ke pyaron ko salam Mustafa ke mah-paron ko salam Naujawanon gul-izaron ko salam Karbala teri baharon ko salam Jaan-nisari ke nazaron ko salam Ya Hussain Ibn-e-Ali Mushkil Kusha Aap ke sab jaan nisaron ko salam Akbar-o-Asghar pe jaan qurban ho Mere dil ke tajdaron ko salam Qasim-o-Abbas par hon rehmatein Karbala ke shehswaron ko salam Jis kisi ne Karbala mein jaan di Un sabhi imandaron ko salaam Bhooki pyasi bibiyon par rehmatein Bhooke pyase gul-e-izaron ko salaam Bhed kya jaane shahadat ka koi Un Khuda ke razdaron ko salaam Bebasi mein bhi haya baqi rahi Sab Husaini parda daron ko salaam Rehmatein hon har sahabi par mudam Aur khusoosan chaar yaron ko salaam Bibiyon ko Aabid-e-beemar ko Be-kason ko gham ke maron ko salaam Ho gaye qurban Muhammad aur Aun Syeda Zainab ke pyaron ko salaam Karbala mein zulm ke toote pahar Jin pe un sab dilfagaron ko salaam Aal-o-Ashab-e-Nabi ke jis qadar Chahne wale hain saron ko salaam Ya Khuda! Ae kaash! ja kar phir karoon Karbala ke sab mazaron ko salaam Teen din ke bhooke pyase aap ki Ya Nabi! aankhon ke taron ko salaam Jo Husaini qafle mein thay shareek Kehta hai Attar saron ko salaam