Kaun kehta hai aankhein chura kar chale

Kaun kehta hai aankhein chura kar chale Kab kisi se nigahein bacha kar chale Kaun un se nigahein lada kar chale Kis ki taqat jo aankhein mila kar chale Woh haseen kya jo fitne utha kar chale Haan haseen tum ho fitne mita kar chale Un ke kooche mein mangta sada kar chale Rahmat-e-Haq ho har dam dua kar chale Qissa-e-gham sunaya kar chale Jaan-e-Isa dawa do dua kar chale Rab ke bandon ko Rab se mila kar chale Jalwa-e-Haq woh hum ko dikha kar chale Man Ra'ani Ra-al-Haq suna kar chale Mera jalwa hai Haq ka jata kar chale Juz bashar aur kya dekhein kheera nazar Ayyukum mithli go woh suna kar chale Jagmaga dalein galiyan jidhar aaye woh Jab chale woh to kooche basa kar chale Kaisa tareek duniya ko chamka diya Saare aalam mein kaisi ziya kar chale Koi maane na maane yeh woh jaan le Seedha rasta woh sab ko bata kar chale Kodiyon kodhiyon ke liye kodh door Achha changa woh khasa bhala kar chale Yaad daaman se murjhayi kaliyan khilin Faiz se apne ghunche khila kar chale Shab ko shabnam ki manind roya kiye Surat-e-gul woh hum ko hansa kar chale Bad se bad ko liya jis ne aaghosh mein Kab kisi se woh daaman bacha kar chale Jo kamine the un ko mu'azzaz kiya Woh razeelon ko seene laga kar chale Sab ko Islam ka tum ne bakhsha sharaf Girte parton ko pyare utha kar chale Ein o aan aur chunein o chunan sarwara Tere dar se sab apna bhala kar chale Jis ka sani hua aur na hai aur na ho Woh ata kar chale woh sakha kar chale Umr bhar a'ada un ko sataya kiye Aur woh dushmanon ko dua kar chale Sakht a'ada ko bhi 'afw farma diya Rahmat-e-haq ki shanein dikha kar chale Jism-e-purnoor ka yun to saya na tha Aur patthar mein naqshe jama kar chale Marte dam sar dar-e-pak par rakh diya Is ada se qaza hum ada kar chale Jab qamar ik ishare se tukde kiya Bole kafir woh jadu sa kiya kar chale Mo'jizon ko woh jadu batate rahe Aap apne pe zalim jafa kar chale Jin ke da'we the hum hi hain ahl-e-zaban Sun ke quran zabanen daba kar chale Gaye sahabi the par thi yeh haibat-e-haq Gardanein sare kafir jhuka kar chale Aur gardan kushi ki to mare gaye Sab ne jana ke zalim khata kar chale Jin ko apna nahin gham hamare liye Daure jhapte woh paon utha kar chale Abhi mizan par the abhi pul pe hain Pul mein girte bachaye bacha kar chale Sar-e-kausar suna shor piyason ka jab Pahunche sharbat pilaya pila kar chale Kisi janib se aayen nidayen huzoor Mujrimon ki rahai ka kya kar chale Dam mein pahunche woh hukm-e-rahai diya Un ko dozakh se phera phira kar chale Daagh-e-dil hum ne Noori dikha hi diya Dard-e-dil ka fasana suna kar chale