Khauf-e-Gunah mein mujrim hai aab aab kaisa
Jab Rab hai Mustafa ka phir iztarab kaisa
Mujrim hoon roosiya hoon aur laiq-e-saza hoon
Lekin Habib ka hoon mujh par itaab kaisa
Suraj mein noor tera jalwa tera qamar mein
Zahir to is qadar hai is par hijab kaisa
Daman-e-Mustafa hai mujrim machal rahe hain
Dar-ul-aman mein pohanchay khauf-e-azab kaisa
Marqad ki pehli shab hai dulha ki deed ki shab
Is shab pe eid-e-qurban is ka jawab kaisa
Parhta tha jis ka kalma paya unhein Nakiro
Ho lene do tasadduq is dam hisab kaisa
Saalik ko bakhsh ya Rab go laiq-e-saza hai
Woh kis hisab mein hai is ka hisab kaisa