Khushboo-e-dasht-e-Taiba se bas jaye gard-e-dimagh
Mehkaye bu-e-khuld mira sar basar dimagh
Paya hai paye sahib-e-meraj se sharaf
Zarriyat-e-go-e-Taiba ka hai arsh par dimagh
Momin fidaye noor-o-shamim-e-hazoor mein
Har dil chamak raha hai muattar hai har dimagh
Aisa basay ke bu-e-gul-e-khuld se basay
Ho yaad-e-naqsh-e-paye Nabi ka jo ghar dimagh
Aabad kar Khuda ke liye apne noor se
Veeran-e-dil hai dil se zyada khandhar dimagh
Har khar-e-Taiba zeenat-e-gulshan hai andaleeb
Nadan ek phool par itna na kar dimagh
Zahid hai mustahiq-e-karamat gunahgar
Allah-u-Akbar mizaj is qadar dimagh