Kya hi zauq-e-shafa'at hai tumhari wah wah

Kya hi zauq-e-shafa'at hai tumhari wah wah Qarz leti hai parhez gari wah wah Khama-e-qudrat ka husn-e-dast kari wah wah Kya hi tasweer apne pyare ki sanwari wah wah Ashk-e-shab bhar intezar-e-afw-e-ummat mein bahein Main fida chand aur yun akhtar shumari wah wah Ungliyan hain faiz par tute hain pyase jhoom kar Nadiyan Punjab-e-rehmat ki hain jaari wah wah Noor ki khairat lene daudte hain mehr-o-mah Uthti hai kis shaan se gard-e-sawari wah wah Neem jalwe ki na tab aaye qamar saan to sahi Mehr aur un tallon ki aaina daari wah wah Nafs ye kya zulm hai jab dekho taza jurm hai Natwan ke sar par itna bojh bhaari wah wah Mujrimon ko dhoondti phirti hai rehmat ki nigah Tale-e-bargashta teri sazgari wah wah Arz begi hai shafa'at afw ki sarkar mein Chhat rahi hai mujrimon ki fard saari wah wah Kya Madina se saba aayi ke phoolon mein hai aaj Kuch nayi bu bheeni bheeni pyari pyari wah wah Khud rahe parde mein aur aaina aks-e-khas ka Bhej kar anjanon se ki rah daari wah wah Is taraf roza ka noor us samt minbar ki bahar Beech mein jannat ki pyari pyari kyari wah wah Sadqe us inam ke qurban us ikram ke Hoo rahi hai donon aalam mein tumhari wah wah Para-e-dil bhi na nikla dil se tohfe mein Raza Un sagon ko itni jaan pyari wah wah