Lahad mein ishq-e-rukh-e-shah ka daagh le ke chale
Andheri raat suni thi charagh le ke chale
Tere ghulamon ka naqsh-e-qadam hai rah-e-khuda
Woh kya behak sake jo ye suragh le ke chale
Jinan bane gi mohabbat mein char yaar ki qabr
Jo apne seena mein ye char bagh le ke chale
Gaye, ziyarat-e-dar ki, sad aah wapas aaye
Nazar ke ashk kuchhe dil ka daagh le ke chale
Madina jaan-e-jinan-o-jahan hai woh sun lein
Jinhein junoon-e-jinan soye zaagh le ke chale
Tere sahab-e-sukhan se na nam se bhi kam
Baligh bahr-e-balaghat balagh le ke chale
Huzoor-e-Taiba se bhi koi kaam barh kar hai
Ke chhoote heela makr-o-faragh le ke chale
Tumhare wasf-e-jamal-o-kamal mein Jibraeel
Mahal hai ke majal-o-masagh le ke chale
Gila nahi hai mureed-e-rasheed-e-shaitan se
Ke us ke wus'at-e-ilmi ka laag le ke chale
Har ek apne bare ki barai karta hai
Har ek mugh-bacha mugh ka ayaagh le ke chale
Magar khuda pe jo dhabba darogh ka thopa
Ye kis la'een ki ghulami ka daagh le ke chale
Wuqoo-e-kizb ke ma'ni durust aur Quddus
Hue ki phootay ajab sabz bagh le ke chale
Jahan mein koi bhi kafir sa kafir aisa hai
Ke apne Rab pe safahat ka daagh le ke chale
Pari hai andhay ko aadat ke shorbay hi se khaye
Beer hath na aayi to zaagh le ke chale
Khabees bahr-e-khabeesa khabees bahr-e-khabees
Ke saath jins ko baaz-o-ghulagh le ke chale
Jo deen-e-goon ko de baithe un ko yaksaan hai
Kalagh le ke chale ya ulagh le ke chale
Raza kisi sag-e-Taiba ke paon bhi choome
Tum aur aah ke itna dimagh le ke chale