Momin woh hai jo un ki izzat pe mare dil se
Ta'zeem bhi karta hai Najdi to mare dil se
Wallah woh sun lein ge faryad ko pahunchein ge
Itna bhi ho koi jo aah kare dil se
Bichhri hai gali kaisi bigri hai bani kaisi
Poocho koi ye sadma armaan bhare dil se
Kya us ko giraye dehar jis par tu nazar rakhe
Khak us ko uthaye hashr jo tere gire dil se
Behka hai kahan Majnu le daali banon ki khak
Dam bhar na kiya khaima Laila ne pur-e-dil se
Sone ko tapayein jab kuch mail ho ya kuch mail
Kya kaam Jahannam ke dheray ko kharay dil se
Aata hai dar-e-walih yun zauq-e-tawaf aana
Dil jaan se sadqe ho sargard phire dil se
Ae abr-e-karam faryad faryad jala dala
Is soz-e-gham ko hai zid mere haray dil se
Darya hai charha teri kitni hi udayein khak
Utrein ge kahan mujrim ae afu tere dil se
Kya jaanein yam-e-gham mein dil doob gaya kaisa
Kis teh ko gaye arman ab tak na tere dil se
Karta to hai yaad un ki ghaflat ko zara roke
Lillah Raza dil se haan dil se are dil se