Mujhe har saal tum hajj par bulana Ya Rasool Allah

Mujhe har saal tum hajj par bulana Ya Rasool Allah Bulana aur Madina bhi dikhana Ya Rasool Allah Rahe har saal mera aana jaana Ya Rasool Allah Baqi-e-paak ho aakhri thikana Ya Rasool Allah Meri aankhon mein tum har dam samana Ya Rasool Allah Dil-e-veeraan ko jalwon se basana Ya Rasool Allah Na daulat do na do koi khazana Ya Rasool Allah Sikha do ishq mein rona rulana Ya Rasool Allah Nazar bhar kar shaha! Main dekh loon phir gumbad-e-khazra Khudara phir sabab koi banana Ya Rasool Allah Dawa ke waste beemar-e-isyan dar pe haazir hai Na tum mayoos ise phir se phirana Ya Rasool Allah Naqoosh-e-ulfat-e-duniya mere dil se mita dena Mujhe apna hi deewana banana Ya Rasool Allah Saliqa aap ki yaadon mein rone ka tarapne ka Paye Ghaus-o-Raza mujhko sikhana Ya Rasool Allah Paye Ghaus-ul-Wara, Ahmed Raza, Murshid Ziauddin Ata ho ishq-o-masti ka khazana Ya Rasool Allah Farishta maut ka ab aa chuka hai rooh lene ko Sar-e-baaleen zara jaldi se aana Ya Rasool Allah Ghulay hain daftar-e-aamaal! Haaye! Mera kya hoga! Bachana shafi-e-mahshar bachana Ya Rasool Allah Yeh ganda hai nikamma hai yeh jaisa hai tumhara hai Tumhein Attar-e-aasi ko nibhana Ya Rasool Allah Gunahon ki nahi jaati hai aadat Ya Rasool Allah Gunahon ki nahi jaati hai aadat Ya Rasool Allah Tumhein ab kuch karo mah-e-risalat Ya Rasool Allah Gunahon se mujhe ho jaye nafrat Ya Rasool Allah Nikal jaye buri har ek khasalat Ya Rasool Allah Gunah lamha ba lamha haye! ab barhte hi jaate hain Nahi is pe mujhe kuch nidamat Ya Rasool Allah Gunah kar kar ke haye! ho gaya dil sakht patthar se Karun kis se kahan ja kar shikayat Ya Rasool Allah Main bachna chahta hoon haye! phir bhi bach nahi paata Gunahon ki pari hai aisi aadat Ya Rasool Allah Kamar aamal-e-bad ne haye! meri tor kar rakh di Tabahi se bachalo jaan-e-rehmat Ya Rasool Allah Mere munh ki siyahi se andheri raat sharmaye Mera chehra ho taban noor-e-iffat Ya Rasool Allah Bawaqt-e-naz’a Aaqa ho na jaon main kahin barbad Mera imaan rakh lena salamat Ya Rasool Allah Tere Rab ki qasam main layak-e-naar-e-jahannam hoon Bacha sakti hai bas teri shafa'at Ya Rasool Allah Yahan jaise hamari aib poshi Aap karte hain Wahan bhi Aap rakh lije ga izzat Ya Rasool Allah Fasad-e-nafs-e-zalim se bachalo ae Shah-e-Saqalain Karo shaitan se meri hifazat Ya Rasool Allah Sahi jaati nahi hain sakhtiyan sakrat ki Sarkar! Sar-e-baleen ab aajayein rehmat Ya Rasool Allah Mera yeh khwab ho jaye Shaha sharminda-e-tabeer Madine mein piyun jaam-e-shahadat Ya Rasool Allah Mere dil se hawas duniya ki daulat ki nikal jaye Atta kar do mujhe bas apni ulfat Ya Rasool Allah Mere aansu hon barbad-e-duniya ki mohabbat mein Rulaye bas mujhe teri mohabbat Ya Rasool Allah Phansa jaata hai duniya ki mohabbat mein dil-e-Attar Karo Attar se yeh door aafat Ya Rasool Allah