Mustafa jaan-e-rehmat pe lakhon salaam
Shama-e-bazm-e-hidayat pe lakhon salaam
Mehar-e-charkh-e-nabuwat pe roshan durood
Gul-e-bagh-e-risalat pe lakhon salaam
Shahryar-e-iram tajdar-e-haram
Nau-bahar-e-shafa'at pe lakhon salaam
Shab-e-asra ke dulha pe da'im durood
Nausha-e-bazm-e-jannat pe lakhon salaam
Arsh ki zeb-o-zeenat pe arshi durood
Farsh ki tayyib-o-nazahat pe lakhon salaam
Noor-e-ain-e-latafat pe altaf durood
Zeb-o-zain-e-nazafat pe lakhon salaam
Sar-e-naz-e-qadam maghz-e-raaz-e-hukam
Yagah-taz-e-fazeelat pe lakhon salaam
Nuqta-e-sirr-e-wahdat pe yakta durood
Markaz-e-daur-e-kasrat pe lakhon salaam
Sahib-e-raj'at-e-shams-o-shaqq-ul-qamar
Naib-e-dast-e-qudrat pe lakhon salaam
Jis ke zer-e-liwa adam-o-man siwa
Us saza-e-siyadat pe lakhon salaam
Arsh ta farsh hai jis ke zer-e-nageen
Us ki qahir riyasat pe lakhon salaam
Asl-e-har bood-o-behbud tukhm-e-wajood
Qasim-e-kanz-e-ni'mat pe lakhon salaam
Fatah-e-baab-e-nabuwat pe be-had durood
Khatm-e-daur-e-risalat pe lakhon salaam
Sharq-e-anwar-e-qudrat pe noori durood
Fitaq-e-izhar-e-qurbat pe lakhon salaam
Be sahm-o-qaseem-o-adeel-o-maseel
Johar-e-fard-e-izzat pe lakhon salam
Sar-e-ghaib-e-hidayat pe ghaibi darood
Umar-e-jaib-e-nihayat pe lakhon salam
Mah-e-lahoot-e-khalwat pe lakhon darood
Shah-e-nasoot-e-jalwat pe lakhon salam
Guzar har be-kas-o-be-nawa par darood
Harz-e-har rafta taqat pe lakhon salam
Partu-e-ism-e-zaat-e-ahad par darood
Nuskha-e-jamiyat pe lakhon salam
Matla-e-har saadat pe as'ad darood
Maqta-e-har siyadat pe lakhon salam
Khalq ke dad-ras sab ke faryad-ras
Kahf-e-roz-e-museebat pe lakhon salam
Mujh se be-kas ki daulat pe lakhon darood
Mujh se be-bas ki quwwat pe lakhon salam
Shama-e-bazm-e-duna hoon gum gun aana
Sharh-e-matn-e-hawiyat pe lakhon salam
Intiha-e-do-ee ibtida-e-yakhi
Jama-e-tafreeq-o-kasrat pe lakhon salam
Kasrat-e-baad-e-qillat pe aksar darood
Izzat-e-baad-e-zillat pe lakhon salam
Rab-e-aala ki nemat pe aala darood
Haq ta'ala ki minnat pe lakhon salam
Ham ghareebon ke aaqa pe be-had darood
Ham faqiron ki sarwat pe lakhon salam
Farhat-e-jaan-e-momin pe be-had darood
Ghaiz-e-qalb-e-zalalat pe lakhon salam
Sabab-e-har sabab muntaha-e-talab
Illat-e-jumla illat pe lakhon salam
Masdar-e-mazhariyat pe azhar darood
Mazhar-e-masdariyat pe lakhon salam
Jis ke jalway se murjhayi kaliyan khilein
Us gul-e-pak-e-munabbat pe lakhon salam
Qad-e-be-saya ke saya-e-marhamat
Zill-e-mamdood-e-raafat pe lakhon salam
Ta'iran-e-quds jis ki hain qumriyan
Is tuhi sarv-e-qamat pe lakhon salam
Wasf jis ka hai aaina-e-haq numa
Is khuda saaz-e-tal'at pe lakhon salam
Jis ke aagay sar-e-sarwaran kham rahein
Is sar-e-taj-e-rif'at pe lakhon salam
Woh karam ki ghata gesu-e-mushk sa
Lagah abr-e-raafat pe lakhon salam
Lailatul Qadr mein matla-ul-fajr-e-haq
Mang ki istiqamat pe lakhon salam
Lakht lakht-e-dil-e-har jigar chaak se
Shana karne ki halat pe lakhon salam
Door-o-nazdeek ke sunne wale wo kaan
Kaan-e-la'l-e-karamat pe lakhon salam
Chashma-e-mehr mein mauj-e-noor-e-jalal
Us rag-e-hashmiyat pe lakhon salam
Jis ke mathe shafa'at ka sehra raha
Us jabeen-e-sa'adat pe lakhon salam
Jin ke sajde ko mehrab-e-ka'aba jhuki
Un bhawoon ki latafat pe lakhon salam
Un ki aankhon pe wo saya afgan muzha
Zill-e-qasr-e-rehmat pe lakhon salam
Ashkbari-e-muzhgan pe barse durood
Silk-e-durr-e-shafa'at pe lakhon salam
Ma'ni-e-qad ra'a maqsad-e-ma tagha
Nargis-e-bagh-e-qudrat pe lakhon salam
Jis taraf uth gayi dam mein dam aa gaya
Us nigah-e-inayat pe lakhon salam
Neechi aankhon ki sharm-o-haya par durood
Oonchi beeni ki rif'at pe lakhon salam
Jin ke aage charagh-e-qamar jhilmilaye
Un izaron ki tal'at pe lakhon salam
Un ke khad ki sahoolat pe be-had durood
Un ke qad ki rashaqat pe lakhon salam
Jis se tareek dil jagmagane lage
Us chamak wali rangat pe lakhon salam
Chand se munh pe taban darakhshan durood
Namak aa gayin sabahat pe lakhon salam
Shabnam-e-bagh-e-haq ya'ni rukh ka araq
Us ki sachi baraqat pe lakhon salam
Khat ki gard-e-dahan wo dil-ara chubhan
Sabza-e-nehr-e-rehmat pe lakhon salam
Resh-e-khush mo'tadil marham-e-resh-e-dil
Hala-e-mah-e-nudrat pe lakhon salam
Patli patli gul-e-quds ki pattiyan
Un labon ki nazakat pe lakhon salam
Woh dahan jis ki har baat wahy-e-khuda
Chashma-e-ilm-o-hikmat pe lakhon salam
Jis ke paani se shadab jaan-o-jinan
Us dahan ki tarawat pe lakhon salam
Jis se khari kunwein sheera-e-jaan bane
Us zulal-e-halawat pe lakhon salam
Woh zaban jis ko sab kun ki kunji kahein
Us ki nafiz hukoomat pe lakhon salam
Us ki pyari fasahat pe bihad durood
Us ki dilkash balaghat pe lakhon salam
Us ki baton ki lazzat pe lakhon durood
Us ke khutbe ki haibat pe lakhon salam
Woh dua jis ka joban bahar-e-qabool
Us naseem-e-ijabat pe lakhon salam
Jin ke guchay say lachay noor kay
Un sitaron ki nuzhat pe lakhon salam
Jis ki taskeen say rotay huay hans paray
Us tabassum ki aadat pe lakhon salam
Jis mein nehrein hain sheer-o-shakar ki rawan
Us galay ki nazarat pe lakhon salam
Dosh bar dosh hai jin say shaan-e-sharaf
Aisay shanon ki shaukat pe lakhon salam
Hajar-e-aswad-e-kaaba-e-jaan-o-dil
Yaani mohr-e-nabuwwat pe lakhon salam
Rooye aaina-e-ilm-e-pusht-e-huzoor
Push-ti qasr-e-millat pe lakhon salam
Haath jis simt utha ghani kar diya
Mauj-e-bahr-e-samahat pe lakhon salam
Jis ko baar-e-do aalam ki parwa nahin
Aisay bazu ki quwwat pe lakhon salam
Kaaba-e-deen-o-imaan kay donon sutoon
Saa'dain-e-risalat pe lakhon salam
Jis kay har khat mein hai mauj-e-noor-e-karam
Us kaf-e-bahr-e-himmat pe lakhon salam
Noor kay chashmay lehraein darya bahein
Ungliyon ki karamat pe lakhon salam
Eid-e-mushkil kushai kay chamkay hilal
Naakhunon ki basharat pe lakhon salam
Raf-e-zikr-e-jalalat pe arfa durood
Sharh-e-sadr-e-sadarat pe lakhon salam
Dil samajh say wara hai magar yun kahoon
Ghuncha-e-wahdat pe lakhon salam
Kul jahan mulk aur jau ki roti ghiza
Us shikam ki qana'at pe lakhon salam
Jo kay azm-e-shafa'at pe khench kar bandhi
Us kamar ki himayat pe lakhon salam
Anbiya tah karein zano un kay huzoor
Zanon ki wajahat pe lakhon salam
Saqi-e-asl-e-qadam shakh-e-nakhl-e-karam
Shama-e-rah-e-isabat pe lakhon salam
Khai quran nay khaak-e-guzar ki qasam
Us kaf-e-pa ki hurmat pe lakhon salam
Jis suhani ghari chamka taiba ka chand
Us dil-afroz saa'at pe lakhon salam
Pehlaysajda pe roz-e-azal say durood
Yaadgari-e-ummat pe lakhon salam
Zar-e-shadab-o-har zar-e-pur sheer say
Barkat-e-raza'at pe lakhon salam
Bhaiyon kay liye tark-e-pistan karein
Doodh peeton ki nasfat pe lakhon salam
Mahd-e-wala ki qismat pe sadha durood
Burj-e-mah-e-risalat pe lakhon salam
Allah Allah woh bachpanay ki phaban!
Is khuda bhati surat pe lakhon salam
Uthtay booton ki nash-o-numa par durood
Khultay ghunchon ki nikhat pe lakhon salam
Fasl-e-paidaishi par hamesha durood
Kheelne se karahat pe lakhon salam
I'tila-e-jibillat pe aali durood
I'tidal-e-tawiyat pe lakhon salam
Be-banawat ada par hazaron durood
Be-takalluf malahatt pe lakhon salam
Bheeni bheeni mehak par mehakti durood
Pyari pyari nafasat pe lakhon salam
Meethi meethi ibarat pe sheereen durood
Achhi achhi isharat pe lakhon salam
Seedhi seedhi ravish par karoron durood
Saadi saadi tabiyat pe lakhon salam
Roz-e-garm-o-shab-e-teerah-o-taar mein
Koh-o-sehra ki khalwat pe lakhon salam
Jis ke gheray mein hain ambiya-o-malak
Is jahangeer ba'asat pe lakhon salam
Andhay sheeshay jhalajhal damakne lagay
Jalwa rezi dawat pe lakhon salam
Lutf-e-bedari-e-shab pe be-had durood
Aalam-e-khwab-e-rahat pe lakhon salam
Khanda-e-subh-e-ishrat pe noori durood
Girya-e-abr-e-rehmat pe lakhon salam
Narmi-e-khooy-e-lainat pe daa'im durood
Garmi-e-shaan-e-satwat pe lakhon salam
Jis ke aagay khinchi gardanein jhuk gayeen
Is khuda daad shaukat pe lakhon salam
Kis ko dekha ye Moosa se poochay koi
Aankhon walon ki himmat pe lakhon salam
Gard-e-mah dast-e-anjum mein rakhshan hilal
Badr ki daf-e-zulmat pe lakhon salam
Shor-e-takbeer se thartharati zameen
Junbish-e-jaish-e-nusrat pe lakhon salam
Na'ra haye daliran se ban goonjtay
Ghuroosh-e-goss-e-jurrat pe lakhon salam
Woh pathachaak khanjar se aati sada
Mustafa teri saulat pe lakhon salam
Un ke aagay woh Hamza ki jaanbaziyan
Sher-e-ghurran satwat pe lakhon salam
Al-gharaz un ke har moo pe lakhon durood
Un ki har khoo-o-khaslat pe lakhon salam
Un ke har naam-o-nisbat pe nami durood
Un ke har waqt-o-halat pe lakhon salam
Un ke maula ki un par karoron durood
Un ke ashab-o-itrat pe lakhon salam
Paarha-e-suhuf-e-ghuncha-ha-e-quds
Ahl-e-bait-e-nabuwat pe lakhon salam
Aab-e-tath-heer se jis mein poday jiye
Is riyaz-e-najabat pe lakhon salam
Khoon-e-khair-ur-rusul se hai jin ka khameer
Un ki be-lous teenat pe lakhon salam
Is Batool-e-jigar para-e-Mustafa
Hajla ara-e-iffat pe lakhon salam
Jis ka aanchal na dekha mah-o-mehr ne
Is rida-e-nazahat pe lakhon salam
Sayyida Zahira Tayyiba Tahira
Jaan-e-Ahmad ki rahat pe lakhon salam
Hasan-e-Mujtaba Sayyidul Askiya
Rakib-e-dosh-e-izzat pe lakhon salam
Awj-e-mehr-e-huda mauj-e-bahr-e-nada
Rooh-e-rooh-e-sakhawat pe lakhon salam
Shahd khwar-e-lu'ab-e-zaban-e-Nabi
Chashni geer-e-ismat pe lakhon salam
Is shaheed-e-bala shah-e-gulgoon qaba
Bekas-e-dasht-e-ghurbat pe lakhon salam
Dur-e-durj-e-Najaf mehr-e-burj-e-sharaf
Rang-e-ru-e-shahadat pe lakhon salam
Ahl-e-Islam ki madaran-e-shafeeq
Banwan-e-taharat pe lakhon salam
Jalwa giyan Bait-ush-Sharaf par durood
Parwa giyan iffat pe lakhon salam
Seeman pehli maan gehf-e-amn-o-aman
Haq guzar-e-rafaqat pe lakhon salam
Arsh se jis pe tasleem nazil hui
Is saraye salamat pe lakhon salam
Manzilun min qasab-in la nasab-a la sakhaba
Aisay goshak ki zeenat pe lakhon salam
Bint-e-Siddiq aram-e-jaan-e-Nabi
Is hareem-e-bara'at pe lakhon salam
Ya'ni hai Sura-e-Noor jin ki gawah
Un ki pur-noor surat pe lakhon salam
Jin mein Ruhul Qudus be-ijazat na jayen
Un suradiq ki ismat pe lakhon salam
Shama-e-taban-e-kashana-e-ijtihad
Mufti-e-char millat pe lakhon salam
Jaan nisaran-e-Badr-o-Uhud par durood
Haq guzaran-e-bai'at pe lakhon salam
Woh daso jin ko jannat ka muzda mila
Is mubarak jama'at pe lakhon salam
Khas is sabiq-e-sair-e-qurb-e-Khuda
Awhad-e-kamliyat pe lakhon salam
Saya-e-Mustafa maya-e-Mustafa
Izz-o-naz-e-khilafat pe lakhon salam
Ya'ni us Afzal-ul-Khalq ba'd ar-Rusul
Thani-e-Ithnain Hijrat pe lakhon salam
Asdaq-us-Sadiqeen Sayyid-ul-Muttaqeen
Chashm-o-gosh-e-wizarat pe lakhon salam
Woh Umar jis ke a'da pe shaida saqar
Us Khuda dost Hazrat pe lakhon salam
Fariq-e-Haq-o-Batil Imam-ul-Huda
Tegh-e-Maslool-e-shiddat pe lakhon salam
Tarjuman-e-Nabi hamzaban-e-Nabi
Jan-e-shan-e-adalat pe lakhon salam
Zahid-e-Masjid-e-Ahmadi par durood
Daulat-e-jaish-e-usrat pe lakhon salam
Durr-e-mansoor-e-Qur'an ki silk bhi
Zauj-e-do noor-e-iffat pe lakhon salam
Ya'ni Usman-e-Sahib-e-qamees-e-huda
Hulla-posh-e-shahadat pe lakhon salam
Murta'za sher-e-Haq Ashja'-ul-Ashja'een
Saqi-e-sheer-o-sharbat pe lakhon salam
Asl-e-nasl-e-safa wajh-e-wasl-e-Khuda
Bab-e-fasl-e-wilayat pe lakhon salam
Awwalees dafi'-e-ahl-e-rafz-o-khurooj
Charmi rukn-e-millat pe lakhon salam
Sher-e-shamshir-zan Shah-e-Khaibar-shikan
Partau-e-dast-e-qudrat pe lakhon salam
Mah-e-rafz-o-tafzeel-o-nasb-o-khurooj
Hami-e-deen-o-sunnat pe lakhon salam
Momineen-e-pesh-e-fath-o-pas-e-fath sab
Ahl-e-khair-o-adalat pe lakhon salam
Jis musalman ne dekha unhein ek nazar
Us nazar ki basarat pe lakhon salam
Jin ke dushman pe la'nat hai Allah ki
Un sab ahl-e-mohabbat pe lakhon salam
Baqi-e-saqiyan-e-sharab-e-tahoor
Zein-e-ahl-e-ibadat pe lakhon salam
Aur jitne hain shehzade us Shah ke
Un sab ahl-e-makanat pe lakhon salam
Un ki bala sharafat pe a'la durood
Un ki wala siyadat pe lakhon salam
Shafi'i Malik Ahmad Imam-e-Hanif
Char bagh-e-imamat pe lakhon salam
Kamilan-e-tariqat pe kamil durood
Hamilan-e-shari'at pe lakhon salam
Ghaus-e-Azam Imam-ut-tuqa wan-naqi
Jalwa-e-shan-e-qudrat pe lakhon salam
Qutb-e-abdal-o-irshad-o-rushd-ur-rashad
Muhyi-e-deen-o-millat pe lakhon salam
Mard-e-khail-e-tariqat pe be-had durood
Fard-e-ahl-e-haqiqat pe lakhon salam
Jis ki mimbar hui gardan-e-Awliya
Us qadam ke karamat pe laakhon salaam
Shah Barkat-o-Barkat-e-peshiniyan
Nau-bahar-e-tariqat pe laakhon salaam
Sayyid-e-Aal-e-Muhammad Imam-ur-Rashid
Gul-e-rauz-e-riyazat pe laakhon salaam
Hazrat-e-Hamza sher-e-Khuda-o-Rasool
Zinat-e-Qadiriyat pe laakhon salaam
Naam-o-kaam-o-tan-o-jaan-o-haal-o-maqal
Sab mein achhe ki surat pe laakhon salaam
Noor-e-jaan-e-Umar majmua-e-Aal-e-Rasool
Mere aaqa-e-nemat pe laakhon salaam
Zeb-e-sajjada Sajjad-e-Noori-nehaad
Ahmad-e-noor-e-teenat pe laakhon salaam
Be-azab-o-itaab-o-hisaab-o-kitaab
Ta-abad Ahl-e-Sunnat pe laakhon salaam
Tere in doston ke tufail aye Khuda
Banda-e-nang-e-khalqat pe laakhon salaam
Mere ustad maan baap bhai behen
Ahl-e-wuld-o-ashirat pe laakhon salaam
Ek mera hi rehmat mein dawa nahin
Shah ki saari ummat pe laakhon salaam
Kaash mahshar mein jab unki aamad ho aur
Bhejain sab unki shaukat pe laakhon salaam
Mujh se khidmat ke qudsi kahein haan Raza
Mustafa jaan-e-rehmat pe laakhon salaam