Noor-e-Haq jalwa numa tha mujhe maloom na tha
Shakl-e-insan mein chupa tha mujhe maloom na tha
Barha jis ne kaha tha Ana Bashar us ne
Man Raani bhi kaha tha mujhe maloom na tha
Bakriyan jis ne churayi theen Halima teri
Arsh par woh hi gaya tha mujhe maloom na tha
Jis ne ummat ke liye ro ke guzareen raatein
Woh hi Mehboob-e-Khuda tha mujhe maloom na tha
Chand ishare se phata hukm se suraj lota
Mazhar-e-Zaat-e-Khuda tha mujhe maloom na tha
Dekha jab qabr mein us parda nasheen ko to khula
Dil-e-Saalik mein raha tha mujhe maloom na tha