Phir Bula Karbala Ya Shah-e-Karbala

Phir bula Karbala, ya Shah-e-Karbala Apna roza dikha, ya Shah-e-Karbala Tere darbar ko, us kay anwar ko Aah! kab paoon ga, ya Shah-e-Karbala Main nay chomi nahi, Karbala ki zameen Ek arsa hua, ya Shah-e-Karbala Koocha-e-pak ko, khas ko khashak ko Chomoon aakar shaha, ya Shah-e-Karbala Aisa paoon junoon, dhadkanon mein sunoon Karbala Karbala, ya Shah-e-Karbala Apnay char yaar, aye Shah-e-zi-waqar Apna sheyda bana, ya Shah-e-Karbala Chashm-e-nam dijiye, apna gham dijiye Az tufail-e-Raza, ya Shah-e-Karbala Khwab mein aaiye, jalwa dikhlaiye Az pay-e-Mustafa, ya Shah-e-Karbala Is gunahgar ko, khwar-o-badkar ko Jaisa bhi hai nibha, ya Shah-e-Karbala Ibn-e-Shah-e-Arab! marz-e-isyaan say ab De do mujh ko shifa, ya Shah-e-Karbala Ek mazloom ko apnay maghmoom ko Aafton say chuda, ya Shah-e-Karbala Meray ujray chaman ki bhuran kay liye Ab to barsa shaha, ya Shah-e-Karbala Dil ko mil jaye chain, Ilahi! Yaseen Hoon bohat ghamzada, ya Shah-e-Karbala Ab ho rukhsat khizan, khul uthay gulistan Woh chala do hawa, ya Shah-e-Karbala Zulfiqar-e-Ali, jab adu par chali Qahar sa chha gaya, ya Shah-e-Karbala Aah! dushman meray, khoon kay piyasay huay Leykay talwar aa, ya Shah-e-Karbala Sun lo faryad ko, aao imdad ko Ibn-e-Mushkil Kusha, ya Shah-e-Karbala Ho muyassar ab shahadat ka jaam Kardo haq say dua, ya Shah-e-Karbala Janib-e-Karbala, kaash! Attar ka Chal paray qafila, ya Shah-e-Karbala