Pul se utaro raah-e-guzar ko khabar na ho
Jibraeel par bichayein toh par ko khabar na ho
Kaanta mere jigar se gham-e-rozgaar ka
Yun kheench lijiye ke jigar ko khabar na ho
Faryad ummati jo kare haal-e-zaar mein
Mumkin nahin ke Khair-e-Bashar ko khabar na ho
Kehti thi ye Buraq se uski sabuk-rawi
Yun jaiye ke gard-e-safar ko khabar na ho
Farmate hain ye dono hain sardar-e-do jahan
Ae Murtaza! Ateeq-o-Umar ko khabar na ho
Aisa guma de unki wala mein Khuda hamein
Dhoondha kare par apni khabar ko khabar na ho
Aa dil! Haram ko rokne walon se chup ke aaj
Yun uth chalein ke pehlu-o-bar ko khabar na ho
Tayr-e-haram hain ye kahin rishta pa na hon
Yun dekhiye ke taar-e-nazar ko khabar na ho
Ae khaar-e-Taiba! dekh ke daman na bheeg jaye
Yun dil mein aa ke deedah-e-tar ko khabar na ho
Ae shauq-e-dil! ye sajda gar unko rawa nahin
Achha! woh sajda kijiye ke sar ko khabar na ho
Unke siwa koi hami nahin jahan
Guzra kare pisar pe pidar ko khabar na ho