(Is kalam mein beech mein kahin kahin muzmar hai kisi namalum shayar ke hain, kalam nihayat pur-soz tha is liye kisi ki farmaish par isi kalam ki madad se apne mutalatum jazbaat ko alfaz ke qalib mein dhalne ki sa'i ki hai)
Qalb-e-ashiq hai ab para para alvida alvida ah! Ramadan
Kulfat-e-hajr o furqat ne mara alvida alvida ah! Ramadan
Tere aane se dil khush hua tha aur zauq-e-ibadat badha tha
Ah! Ab dil pe hai gham ka ghalba alvida alvida ah! Ramadan
Masjidon mein bahar aa gayi thi joq dar joq aate namazi
Ho gaya kam namazon ka jazba alvida alvida ah! Ramadan
Bazm-e-iftar bajti thi kaisi! Khoob sehri ki raunaq bhi hoti
Sab saman ho gaya sona sona alvida alvida ah! Ramadan
Tere deewane ab ro rahe hain muztarib sab ke sab ho rahe hain
Haaye ab waqt-e-rukhsat hai aaya alvida alvida ah! Ramadan
Tera gham hum ko tadpa raha hai aatish-e-shauq bhadka raha hai
(Madina)
Ae ranj-e-takleef
Phat raha hai tere gham mein seena alvida alvida ah! Ramadan
Yad-e-Ramzan ki tadpa rahi hai aansuon ki jhari lag gayi hai
Keh raha hai ye har ek qatra alvida alvida ah! Ramadan
Dil ke tukde hue ja rahe hain tere ashiq mare ja rahe hain
Ro ro kehta hai har ek bechara alvida alvida ah! Ramadan
Hasrata mah-e-Ramzan ki rukhsat qalb-e-ushaq par hai qayamat
Kaun de ga unhen ab dilasa alvida alvida ah! Ramadan
Koh-e-gham ashiqon par pada hai har koi khoon ab ro raha hai
Keh raha hai ye har gham ka mara alvida alvida ah! Ramadan
Tum pe lakhon salam ah! Ramadan alvida ah! Ae Rab ke mehman!
Jao hafiz khuda ab tumhara alvida alvida ah! Ramadan
Nekiyan kuch na hum kar sake hain ah! Aaziyan mein hi din kate hain
Haaye! Ghaflat mein tujh ko guzara alvida alvida ah! Ramadan
Wasta tujh ko meethe Nabi ka hashr mein hum ko mat bhool jana
Roz-e-mehshar hamen bakhshwana alvida alvida ah! Ramadan
Jab guzar jayen ge mah-e-gyara teri aamad ka phir shor hoga
Kya meri zindagi ka bharosa alvida alvida ah! Ramadan
Mah-e-Ramzan ki rangeen fizao! Abr-e-rehmat se mamlu huwao
Lo salam-e-aakhri ab hamara alvida alvida ah! Ramadan
Kuch na husn-e-amal kar saka hun nazr-e-chand ashk mein kar raha hun
Bas yahi hai mera kul asasa alvida alvida ah! Ramadan
Haaye Attar badkar kahil reh gaya ye ibadat se ghafil
Is se khush ho ke hona rawana alvida alvida ah! Ramadan
Saal-e-aa'inda Shah-e-Haram tum
Karna Attar par ye karam tum
Tum Madine mein Ramzan dikhana
Alvida alvida ah! Ramadan