Sab Se Awla-o-Aala Hamara Nabi

Sab se awla-o-aala hamara Nabi Sab se bala-o-wala hamara Nabi Apne maula ka pyara hamara Nabi Donon aalam ka dulha hamara Nabi Bazm-e-aakhir ka shamma-e-furozan huwa Noor-e-awwal ka jalwa hamara Nabi Jis ko shayan hai arsh-e-khuda par jaloos Hai woh sultan-e-wala hamara Nabi Bujh gayin jis ke aage sabhi mash'alen Shamma woh le kar aaya hamara Nabi Jis ke talwon ka dhowan hai aab-e-hayat Hai woh jaan-e-maseeha hamara Nabi Arsh-o-kursi ki thin aaina bandiyan Soo-e-haq jab sudhara hamara Nabi Khalq se awliya, awliya se rusul Aur rasoolon se aala hamara Nabi Husn khata hai jis ke namak ki qasam Woh malihe dil ara hamara nabi Zikr sab pheekay jab tak na mazkoor ho Namkeen husn wala hamara nabi Jis ki do boond hain Kausar-o-Salsabeel Hai woh rehmat ka dariya hamara nabi Jaise sab ka Khuda ek hai waise hi Un ka un ka tumhara hamara nabi Qarnon badli rasoolon ki hoti rahi Chand badli ka nikla hamara nabi Kaun deta hai dene ko munh chahiye Dene wala hai sacha hamara nabi Kya khabar kitne tare khule chhup gaye Par na doobay na dooba hamara nabi Mulke kaunain mein ambiya tajdar Tajdaron ka aaqa hamara nabi Lamakan tak ujala hai jis ka woh hai Har makan ka ujala hamara nabi Saray achhon mein achha samjhiye jisay Hai us achhay se achha hamara nabi Saray oonchon mein ooncha samjhiye jisay Hai us oonchay se ooncha hamara nabi Ambiya se karoon arz kyun malko Kya nabi hai tumhara hamara nabi Jis ne tukray kiye hain qamar ke woh hai Noor-e-wahdat ka tukra hamara nabi Sab chamak wale ujlon mein chamak kiye Andhay sheeshon mein chamka hamara nabi Jis ne murda dilon ko di umre abad Hai woh jane maseeha hamara nabi Ghamzadon ko Raza muzda deeje ke hai Be-kason ka sahara hamara nabi