Sabz gumbad ki ziyarat kijiye zairo! saman-e-rahat kijiye
Gumbad-e-Khazra ke jalwe dekh kar khoob roshan apni qismat kijiye
Agaya meetha Madina agaya jhoom kar khoob un ki midhat kijiye
Masjid-e-Nabvi mein har dam bhaiyo! dil laga kar ab ibadat kijiye
Zairo! ro ro kar un ke samne pesh apni apni haajat kijiye
Qalb-e-muztar chashm-e-tar soz-e-jigar Ya Nabi! mujh ko inayat kijiye
Az paye Ahmed Raza mujh ko ata sunniyat par istiqamat kijiye
Az paye Ghous-ul-Wara Ya Mustafa mere imaan ki hifazat kijiye
Az tufail-e-murshadi dil se mere door dunya ki mohabbat kijiye
Fatima Zehra ka sadqa mujh se nafs o shaitan ki shararat kijiye
Door gham dunya ke farma dijiye gham Madine ka inayat kijiye
Apne akhlaq-e-kareema se mujhe ek zarra hi inayat kijiye
Zarra-e-isyan ki dawa kijiye aasiyon par chashm-e-rehmat kijiye
Aadat-e-isyan nahi jaati huzoor aap hi kuch jaan-e-rehmat kijiye
Mujh ko taufeeq-e-ibadat ho ata mujh ko paband-e-shariat kijiye
Sunnaton ki har taraf aaye bahaar door fashion ki nahoosat kijiye
Ya Nabi! mujh ko Baqi-e-Pak mein bahr-e-madfan ja inayat kijiye
Hoon nihayat hi zaeef-o-natwaan meri dushman se hifazat kijiye
Ho ata soz-e-Bilal Aaqa mujhe aur apna gham inayat kijiye
Ghap andhere mein hoon tanha al-hamd qabr roshan noor-e-izzat kijiye
Aib mehshar mein na khul jayen kahin saya-e-damaan-e-rehmat kijiye
Garmi-e-mehshar se jaan hai muztarib jaam-e-kausar ab inayat kijiye
Mujrimon ki saf mein hoon Aaqa khara Ya Nabi! aakar shafa'at kijiye
Karbala walon ke sadqe mujh se door Ya Nabi! ranj-o-museebat kijiye
Mukhtasar si zindagi hai bhaiyo! nekiyan kijiye na ghaflat kijiye
Gar Riza-e-Mustafa darkar hai sunnaton ki khoob khidmat kijiye
Sunnatein apna ke hasil bhaiyo! rehmat-e-Maula se jannat kijiye
Eid-e-Milad-un-Nabi par bhaiyo! khoob izhar-e-musarrat kijiye
Hajr ke maron pe bhi chashm-e-karam! izn-e-Taiba ka inayat kijiye
Mere chehre pe kafan dhak dijiye sathiyo ruswa mujhe mat kijiye
Ab naqab-e-rukh ulat dijiye huzoor jaan balab par chashm-e-rehmat kijiye
Hazir-e-darbar phir badkar hai chashm-e-rehmat jaan-e-rehmat kijiye
Barhte jaate hain gunah Attar aah! kuch to izhar-e-nadamat kijiye
Sabz gumbad par fida ho jaye
Kijiye Attar himmat kijiye