Had bhar ka ziyan kaar-e-siyah kaar hoon main
Ummat mein bada sab se gunahgar hoon main
Par dil ko hai apne is se dharas
Farmata hai Allah ke ghaffar hoon main
Badkar hoon mujrim hoon siyah kaar hoon main
Iqrar hai is ka ke gunahgar hoon main
Ba-in hama naari nahin noori hoon huzoor
Momin hoon to firdous ka haqdar hoon main
Duniya to yeh kehti hai sukhanwar hoon main
Are shu'ara ka aaj sarwar hoon main
Main yeh kehta hoon yeh ghalat hai sau baar ghalat
Sach to hai yeh ke sab se ahqar hoon main
Zalim hoon jafakar-o-sitamgar hoon main
Asi-o-khata kaar bhi had bhar hoon main
Yeh sab hai magar pyare teri rehmat se
Sunni hoon musalman muqarrar hoon main