Sar-e-Kham haath mera utha hai ya Khuda tujh se meri dua hai

Sar-e-Kham haath mera utha hai ya Khuda tujh se meri dua hai (Yeh kalam 8 Shawwal-ul-Mukarram 1431 Hijri ko compose kiya gaya) Sar-e-Kham haath mera utha hai ya Khuda tujh se meri dua hai Fazl ki raham ki iltija hai ya Khuda tujh se meri dua hai Qalb mein yaad-e-lab par sana hai mere har dard ki yeh dawa hai Kaun dukhion ka tere siwa hai ya Khuda tujh se meri dua hai Qalb-e-sakhti mein had se barha hai banda talib tere khauf ka hai Iltija-e-gham-e-Mustafa hai ya Khuda tujh se meri dua hai Hubb-e-dunya mein dil phans gaya hai nafs-e-badkar haawi hua hai Haaye shaitan bhi peeche para hai ya Khuda tujh se meri dua hai Aah! banda dukhon mein ghira hai is ko tera hi bas aasra hai Iltija-e-karam ya Khuda hai ya Khuda tujh se meri dua hai Tera in'aam hai ya Ilahi kaisa ikraam hai ya Ilahi Haath mein daman-e-Mustafa hai ya Khuda tujh se meri dua hai Ishq de soz de chashm-e-nam de mujh ko mithay Madinay ka gham de Wasta Gumbad-e-Sabz ka hai ya Khuda tujh se meri dua hai Har gunah se bacha mujh ko Maula nek khaslat bana mujh ko Maula Tujh ko Ramazan ka wasta hai ya Khuda tujh se meri dua hai Fazl kar raham kar tu ata kar aur muaf ae Khuda har khata kar Wasta Panjtan-e-Paak ka hai ya Khuda tujh se meri dua hai Afw-o-rahmat ka bakhshish ka saail hoon nihayat gunahgar-o-ghafil Mera sab haal tujh par khula hai ya Khuda tujh se meri dua hai Hoon bazahir bara nek surat kar bhi de mujh ko ab nek seerat Zahir achha hai batin bura hai ya Khuda tujh se meri dua hai Be-sabab ae Khuda kar de bakhshish hashr mein mujh se karna na pursish Naam Ghaffar Maula tera hai ya Khuda tujh se meri dua hai Mujh khata kar par bhi ata kar be-sabab bakhsh de Rabb-e-Akbar Mujh ko dozakh se dar lag raha hai ya Khuda tujh se meri dua hai Naz'a mein Rabb-e-Ghaffar tujh se maut se qabl bimar tujh se Talib-e-jalwa-e-Mustafa hai ya Khuda tujh se meri dua hai Qabr mein mujh ko tanha lita kar chal diye haaye saare baradar Dil andheray mein ghabra raha hai ya Khuda tujh se meri dua hai Maghfirat ka hoon tujh se sawali pheerna apne dar se na khaali Mujh gunahgar ki iltija hai ya Khuda tujh se meri dua hai Mere murshid jo Ghaus-ul-Wara hain Shah Ahmad Raza rehnuma hain Yeh tera lutf teri ata hai ya Khuda tujh se meri dua hai Nar-e-dozakh se mujh ko amaan de maghfirat kar ke bagh-e-jinan de Kar de rahmat meri iltija hai ya Khuda tujh se meri dua hai Wasta tujh ko pyare Nabi ka aur as-hab-o-aal-e-Nabi ka Bakhshish de mujh ko yeh iltija hai ya Khuda tujh se meri dua hai Ya Khuda mah-e-Ramazan ke sadqay sachhi tauba ki taufeeq de de Nek ban jaun jee chahta hai ya Khuda tujh se meri dua hai Zarra-e-isyan mita ya Ilahi de de kamil shifa ya Ilahi Tujh se bimar ki iltija hai ya Khuda tujh se meri dua hai Jo hain bimar sehat ke talib un pe farma karam Rabb-e-Ghalib Tujh se raham-o-karam ki dua hai ya Khuda tujh se meri dua hai Main ne mana ke sab se bura hoon kis ka hoon? Tera hoon main tera hoon Naaz rahmat pe mujh ko bara hai ya Khuda tujh se meri dua hai Aib dunya mein tu ne chhupaye hashr mein bhi na ab aanch aaye Aah! nama mera khul raha hai ya Khuda tujh se meri dua hai Umr badiyon mein sari guzari haaye! phir bhi nahin sharm-saari Bakhshish-e-Mahjoob ka wasta hai ya Khuda tujh se meri dua hai Ird-e-lab kalima-e-tayyaba ho aur Imaan par khaatma ho Aa gaya haaye! waqt-e-qaza hai ya Khuda tujh se meri dua hai Ya Khuda aise asbab paoon kaash Makkay Madinay mein jaun Mujh ko arman hajj ka bara hai ya Khuda tujh se meri dua hai Aah! ranj-o-alam ne hai maara ya Ilahi mujhe de sahara Ek ghamgeen dil ki sada hai ya Khuda tujh se meri dua hai Meri jaan aafaton se chhurana mauzi amraz se bhi bachana Tujh ko Siddiq ka wasta hai ya Khuda tujh se meri dua hai Tu ata hilm ki bheek kar de mere akhlaq bhi theek kar de Tujh ko Farooq ka wasta hai Ya Khuda tujh se meri dua hai Go ye banda nikamma hai bekar is se le fazl se Rabb-e-Ghaffar Kaam woh jis mein teri raza hai Ya Khuda tujh se meri dua hai Tere pyare ki dukhiyari ummat par hai sailab ki aayi aafat Reham kar bas tera aasra hai Ya Khuda tujh se meri dua hai Har taraf se balaon ne ghera aafaton ne lagaya hai dera Tu hi ab mera hajat rawa hai Ya Khuda tujh se meri dua hai Us ki jholi muradon se bhar de us ke haq mein jo behtar ho kar de Jis ne mujh se dua ka kaha hai Ya Khuda tujh se meri dua hai Ishq-e-Ahmed mein aansu bahaun hub-e-dunya se khud ko bachaun Aisi taufiq de iltija hai Ya Khuda tujh se meri dua hai Meri dushman se farma hifazat deen o iman bhi rakhna salamat Madina Dasht basta meri iltija hai Ya Khuda tujh se meri dua hai Meharban tu hi, tu hi madadgar us dukhi dil ka tu hami-e-kar Jis ko dunya ne thukra diya hai Ya Khuda tujh se meri dua hai Sakht goi ki mit jaye khaslat narm goi ki par jaye aadat Wasta khulq-e-mehboob ka hai Ya Khuda tujh se meri dua hai Sunnaton ki karoon khoob khidmat har kisi ko doon neki ki dawat Neek mein bhi banoon iltija hai Ya Khuda tujh se meri dua hai Qaflon mein safar ki ho kasrat hum se yun deen ki le le khidmat Aajizana Ilahi dua hai Ya Khuda tujh se meri dua hai Meri bak bak ki aadat mita de aur aankhein haya se jhuka de Sadqa Usman ka jo bahaya hai Ya Khuda tujh se meri dua hai Ya Ilahi kar aisi inayat De de iman par istiqamat Tujh se Attar ki iltija hai Ya Khuda tujh se meri dua hai