Sarta baqadam hai tan-e-Sultan-e-Zaman phool
Lab phool dahan phool zaqan phool badan phool
Sadqe mein tere baagh to kya laye hain ban phool
Is ghuncha-e-dil ko bhi to eima ho ke ban phool
Tinka bhi hamare to hilaye nahin hilta
Tum chaho to ho jaye abhi koh-e-mihan phool
Wallah jo mil jaye mere gul ka paseena
Maange na kabhi umr na phir chahe dulhan phool
Dil basta-o-khoon gashta na khushbu na latafat
Kyun ghuncha kahoon hai mere Aqa ka dahan phool
Shab yaad thi kin daanton ki shabnam ke dam-e-subh
Shokhan bahari ke jada'o hain kiran phool
Dandan-o-lab-o-zulf-o-rukh-e-shah ke fidai
Hain dur-e-adan, lal-e-yaman, mushk-e-khutan phool
Bo ho ke nihan ho gaye taab-e-rukh-e-shah mein
Lo ban gaye hain ab to haseenon ka dahan phool
Hoon baar-e-gunah se na khajal dosh-e-aziza
Allah meri naghsh kar ae jaan-e-chaman phool
Dil apna bhi shedai hai us nakhun-e-pa ka
Itna bhi mah-e-nau pe na ae charkh gahan phool
Dil khol ke khoon ro le gham-e-ariz-e-shah mein
Nikle to kahin hasrat-e-khoon naba shudan phool
Kya ghaza mila gard-e-madina ka jo hai aaj
Nikhre hue joban mein qayamat ki phaban phool
Garmi ye qayamat hai ke kante hain zaban par
Bulbul ko bhi ae saqi-e-sahba o laban phool
Hai kaun ke girya kare ya fatiha ko aaye
Bikes ke uthaye teri rehmat ke bahan phool
Dil-e-gham tujhe ghere hain khuda tujh ko woh chukaye
Suraj tere khirman ko bane teri kiran phool
Kya baat Raza us chamanistan-e-karam ki
Zehra hai kali jis mein Hussain aur Hassan phool