Tab-e-miraat-e-sahar gard-e-bayaban-e-Arab
Ghammaza-e-roo-e-qamar chiraghan-e-Arab
Allah Allah bahar-e-chamanistan-e-Arab
Paak hain laus-e-khizan se gul o reihan-e-Arab
Josh-e-abr se khoon-e-gul firdous kare
Chher de rag ko agar khaar-e-bayaban-e-Arab
Tishna-e-nehar-e-jinan har Arabi o Ajami!
Lab-e-har nehar tishna-e-naysan-e-Arab
Tauq-e-gham aap hawa-e-pe qumri se gire
Agar azaad kare sarw-e-kharaman-e-Arab
Mehar-e-mizan mein chupa ho to hamal mein chamke
Daale ek boond shab-e-day mein jo baran-e-Arab
Arsh se muzdah-e-shifa'at laya
Ta'ir-e-sidra nasheen murgh-e-Suleman-e-Arab
Husn-e-Yousuf pe kateen Misr mein angusht-e-zanan
Sar katate hain tere naam pe mardan-e-Arab
Kocha kocha mein mehakti hai yahan boo-e-qamees
Yousuf-tar hai har ek goshah-e-Kanaan-e-Arab
Bazm-e-Qudsi mein hai ya Rab jaan-bakhsh huzoor
Alam-e-noor mein hai chashma-e-haiwan-e-Arab
Pa'e Jibra'eel ne Sarkar se kya kya alqab
Khusro-e-khail-e-malak, khadim-e-Sultan-e-Arab
Bulbul-o-neelofar-o-kabk bano parwano!
Mah-o-khursheed pe hanste hain chiraghan-e-Arab
Hoor se kya kahein Moosa se magar arz karein
Ke hai khud husn-e-azal talib-e-Janan-e-Arab
Karam naat ke nazdeek to kuch door nahin
Ke Raza Ajami ho sag-e-Hassan-e-Arab