Tum hi ho chain aur qarar us dil-e-beqarar mein

Tum hi ho chain aur qarar us dil-e-beqarar mein Tum hi to ek aas ho qalb-e-gunah gar mein Rooh na kyun ho muztarib maut ke intezar mein Sunta hoon mujh ko dekhne aayenge woh mazar mein Khak hai aisi zindagi woh kahin aur hum kahin Hai isi zeest mein maza jo ho dayar-e-yaar mein Barish-e-faiz se hui kisht-e-amal hari bhari Khushk zameen ke din phire jaan pari bahaar mein Dil mein jo aake tum raho seenay mein tum agar baso Phir ho wahi chahal pahal ujray huay dayar mein Un ke jo hum ghulam the khalq ke peshwa rahe Un se phire jahan phira aayi kami waqar mein Qabr ki soni raat hai koi na aas paas hai Ik tere dam ki aas hai qalb-e-siyah kar mein Faiz ne tere ya Nabi kar diya mujh ko kya se kya Warna dhara hua tha kya mutthi bhar is ghubar mein Jis ki na le koi khabar band hon jis pe saare dar Us ka tu hi hai chara gar aaye tere jawar mein Chaar rusl farishtay chaar, chaar kutub hain deen chaar Silsilay dono chaar chaar lutf-e-ajab hai chaar mein Aatish o aab o khaak o baad in hi se sab ka hai sabaat Chaar ka sara majra khatm hai chaar yaar mein Sar to suye haram jhuka dil suye kuye Mustafa Dil ka khuda bhala kare yeh nahin ikhtiyar mein Is pe gawah HUWAL-LAZII sheesha-e-haq numa Nabi Dekh lo jalwa-e-Nabi sheesha-e-chaar yaar mein Salik roosiyah ka munh dawa-e-ishq-e-Mustafa Paaye jo khidmat-e-Bilal aaye kisi shumar mein