Tumhare zarre ke partau sitarahaye falak
Tumhare na'l ki naqis misl ziyae falak
Agarcha chhale sitaron se pad gaye lakhon
Magar tumhari talab mein thake na paye falak
Sar-e-falak na kabhi tabah-e-astan pahuncha
Ke ibtida-e-bulandi thi intihae falak
Yeh mit ke un ki ravish par hua khud un ki ravish
Ke naqsh-e-pa hai zameen par na saut-e-paye falak
Tumhari yaad mein guzri thi jaagte shab bhar
Chali naseem, hue band didehaye falak
Na jaag uthein kahin ahl-e-baqi kachchi neend
Chala yeh narm na nikli sada-e-paye falak
Yeh un ke jalwa ne keen garmiyan shab-e-asra
Ke jab se charkh mein hain nuqra-o-talae falak
Mere ghani ne jawahar se bhar diya daman
Gaya jo kasa-e-mah le ke shab gadae falak
Raha jo qane-e-yak nan-e-sokhta din bhar
Mili huzoor se kan-e-gauhar jaza-e-falak
Tajalli-e-shab-e-asra abhi simat na chuka
Ke jab se waisi hi kotal hain sabz haye falak
Khatab-e-haq bhi hai dar bab-e-khalq-e-man-ajalak
Agar udhar se dam-e-hamd hai sada-e-falak
Yeh ahl-e-bait ki chakki se chaal seekhi hai
Rawaan hai be-madad-e-dast-e-asiya-e-falak
Raza yeh naat-e-nabi ne bulandiyan bakhshein
Laqab 'zameen-e-falak' ka hua samae falak