Badal ya fard jo kamil hai ya Ghous
Tere hi dar se mustakmil hai ya Ghous
Jo teri yaad se zail hai ya Ghous
Woh zikr-ullah se ghafil hai ya Ghous
Ana-sayyaf se jahil hai ya Ghous
Jo tere fazl par sail hai ya Ghous
Sukhan hain Asfiya to maghz-e-maani
Badan hain Awliya to dil hai ya Ghous
Agar woh jism-e-irfan hain to tu aankh
Agar woh aankh hain to til hai ya Ghous
Uluhiyyat Nubuwwat ke siwa to
Tamam afzal ka qabil hai ya Ghous
Nabi ke qadmon par hai juz Nubuwwat
Ke khatm is raah mein hail hai ya Ghous
Uluhiyyat hi Ahmad ne na payi
Nubuwwat hi se to aatil hai ya Ghous
Sahabiyat hui phir tab'iyat
Bas aage Qadri manzil hai ya Ghous
Hazaron tab'i se to fuzoon hai
Woh tabqa mujmalan fazil hai ya Ghous
Raha maidan-o-shahrstan-e-irfan
Tera ramna teri mehfil hai ya Ghous
Yeh Chishti Suharwardi Naqshbandi
Har ek teri taraf mail hai ya Ghous
Teri chidiyan hain tera dana paani
Tera mela teri mehfil hai ya Ghous
Inhein to Qadri bai'at hai tajdeed
Woh haan khali jo mustabdil hai ya Ghous
Qamar par jaise khor ka yun tera qarz
Sab ahl-e-noor par fazil hai ya Ghous
Ghalat gardam to wahib hai na muqriz
Teri bakhshish tera nail hai ya Ghous
Koi kya jaane tere sar ka rutba
Ke talwa taj-e-ahl-e-dil hai ya Ghous
Masha'ikh mein kisi ki tujh pe tafzeel
Ba-hukm-e-Awliya batil hai ya Ghous
Jahan dushwar ho wahm-e-musawat
Yeh jurrat kis qadar hail hai ya Ghous
Tere khuddam ke aage hai ek baat
Jo aur Aqtab ko mushkil hai ya Ghous
Use idbar jo mudbir hai tujh se
Woh zi-iqbal jo muqbil hai ya Ghous
Khuda ke dar se hai ma'ood-o-makhzool
Jo tera tarik-o-khazil hai ya Ghous
Sitam kori Wahabi Rafzi ki
Ke Hindu tak tera qayil hai ya Ghous
Woh kya jaane ga fazl-e-Murtaza ko
Jo tere fazl ka jahil hai ya Ghous
Raza ke saamne ki taab kis mein
Falak-war us pe tera zill hai ya Ghous