Aap Aqaon Ke Aqa Aap Hain Shah-e-Anaam

آپ آقاؤں کے آقا آپ ہیں شاہِ انام یارسول اللہ میں ہوں آپ کا ادنیٰ غلام بات کی ہمت نہیں پڑتی ادب کا ہے مقام دل اجازت ہی نہیں دیتا کروں کیسے کلام سوز سرکار اے خدائے پاک تُو کر دے عطا عشقِ سرور میں تڑپتا ہی رہوں مولیٰ مدام یالہی! مجھ کو دیوانہ مدینے کا بنا کاش! ہو ذِکرِ مدینہ میرے لب پر صبح و شام تلمیوں میں خوش رہوں اور لذتوں سے بے نیاز کاش! قابو میں رہے یہ میرا نفسِ بدلگام جو تڑپتے ہیں مدینے کی جدائی میں شہا! ان غریبوں کا بھی کر دو یانبی کچھ انتظام اب تو دید و تم مدینے میں شہادت کا شرف یانبی! کر دو یہ پوری آرزوئے ناتمام حَشر کی گرمی بلا کی پیاس سے ہوں نیم جاں ساقیا! لِلہ کوثر کا چھلکتا ایک جام یالہی! فالتو باتوں کی عادت دُور ہو کاش! لب پر کوئی بھی جاری نہ ہو بے جا کلام ہر گھڑی شرم و حیا سے بس رہے نیچی نظر پیکرِ شرم و حیا بن کر رہوں آقا مُدام اے خدائے مصطفےٰ عطّار کو وہ آنکھ دے ہو غمِ محبوب میں آنسو بہانا جس کا کام