Ae raahate jaan jo tere qadmon se laga ho
Kyun khak basar soorate naqshe kafe pa ho
Aisa na koi hai na koi ho na hua ho
Saya bhi to ik misl hai phir kyon na juda ho
Allah ka mehboob bane jo tumhein chahe
Us ka to bayan hi nahi kuch tum jise chaho
Dil sab se utha kar jo para ho tere dar par
Uftaade do aalam se taluq use kya ho
Us hath se dil sokhta haare kar
Jis se rutbe sokhta ki nashonuma ho
Har saans se nikle gule firdos ki khushboo
Gar akse fagan dil mein woh naqshe kafe pa ho
Us dar ki taraf us liye mizab ka munh hai
Woh qibla-e-kaunain hai yeh qibla numa ho
Bechain rakhe mujh ko tera dard-e-mohabbat
Mit jaye woh dil phir jise armaan-e-dawa ho
Yeh meri samajh mein kabhi aa hi nahi sakta
Imaan mujhe pherne ko tu ne diya ho
Is ghar se ayan noor-e-ilahi ho hamesha
Tum jis mein ghadi bhar ke liye jalwa numa ho
Maqbool hain abru ke ishare se duayein
Kab teer-e-kamandar-e-nabuwat ka khata ho
Ho silsila-e-ulfat ka jise zulf-e-nabi se
Uljhein na koi kaam na paband-e-bala ho
Shukr ek karam ka bhi ada ho nahi sakta
Dil un pe fida jaan-e-Hasan un pe fida ho