Ae Shahanshah-e-Madina Assalatu Wassalam
Zeenat-e-Arsh-e-Mu'alla Assalatu Wassalam
Rabbi habli Ummati kehte hue paida hue
Haq ne farmaya ke bakhsha Assalatu Wassalam
Dast-e-basta sab farishte parhte hain un par Durood
Kyun na ho phir wird apna Assalatu Wassalam
Muminon parhte nahin kyun apne Aaqa par Durood
Hai farishton ka wazifa Assalatu Wassalam
But-shikan aaya ye keh kar sar ke bal but gir gaye
Jhoom kar kehta tha Kaaba Assalatu Wassalam
Sar jhuka kar ba-adab ishq-e-Rasool-e-Allah mein
Keh raha tha har sitara Assalatu Wassalam
Ghunche chatke phool mehke chehchahayein bulbullein
Gul khila bagh-e-Ahad ka Assalatu Wassalam
Main woh Sunni hoon Jameel-e-Qadri marne ke baad
Mera lasha bhi kahega Assalatu Wassalam