Allah Allah Allah Allah

Allah Allah Allah Allah Saare aalam ko hai teri hi justuju Jin-o-Ins-o-Malak ko teri aarzu Yaad mein teri har ek hai su-ba-su Ban mein wahshi lagate hain zarbaat-e-hu Allah Allah Allah Allah Naghma sanjan-e-gulshan mein charcha tera Chupke zikr-e-haq ke hain subh-o-masa Apni apni chehak apni apni sada Sab ka matlab hai wahid ke wahid hai tu Allah Allah Allah Allah Ta'iran-e-jinan mein teri guftugu Geet tere hi gaate hain wo khush-gulu Koi kehta hai haq koi kehta hai hu Aur sab kehte hain La Shareeka Lahu Allah Allah Allah Allah Bulbul-e-khush nawa Toti-e-khush gulu Zamzama khwan hain gaate hain nagmaat-e-hu Qamri-e-khush liqa boli Haq Surahu Fakhta khush-ada ne kaha dost tu Allah Allah Allah Allah Subh dam kar ke shabnam se ghusl-o-wazu Shahidan-e-chaman basta saf ru-ba-ru Ward karte hain tasbih Subhanahu Huwa wa la ghairuhu Huwa wa la ghairuhu Allah Allah Allah Allah Har nihaal-e-chaman zikr se hai nihaal Zikr-e-haq hi use karta hai maala maal Zikr se chook kar hota hai wo nidhaal Zikr hi tera hai is ki wajah-e-namu Allah Allah Allah Allah Wo bhi tasbih se rakhta hai ishtighal Jo nahi rakhta munh aur lisan-e-maqal Phir bhi goyaye tasbih hai is ka haal Is ki hali zaban kehti hai tu hi tu Allah Allah Allah Allah Jo hai ghafil tere zikr se Zuljalal Is ki ghaflat hai is par wabaal-o-nakaal Q'ar-e-ghaflat se hum ko khudaya nikaal Hum hon zakir tere aur mazkoor tu Allah Allah Allah Allah Hai zaban-e-jahan hamd-e-bari mein laal Dam koi hamd ka maare kis ki maja'al Ta-ba-makan hum rakhte hain qeel-o-qaal Is ko maqbool farma le rahmat se tu Allahu Allahu Allahu Allahu Bhar de ulfat ki mai se hamara saboo Dil mein aankhon mein tu aur lab par ho tu Kaif mein wajd karte phirein go ba-goo Ward gaya karein pe-pe sau ba-soo Allahu Allahu Allahu Allahu Afw farma khatayein meri ae afw Shauq o taufeeq neki ka de mujh ko tu Jaari dil kar ke har dam rahe zikr ho Aadat-e-bad badal aur kar naik khoo Allahu Allahu Allahu Allahu Bad hoon maula mere ko kar de nakoo Rakht-e-aamal hai chaak farma rafou Teri rehmat ki umeed hai ae afw Ke hai irshad-e-Quran La taqnatoo Allahu Allahu Allahu Allahu Daakhil-e-khuld hum ko jo farmaye tu Hum hoon aur hoor o ghilman lab-e-aab-e-joo Aur jaam-e-tahoor aur meena-e-saboo Dekhein a’da to reh jayein pee kar lahoo Allahu Allahu Allahu Allahu Thandi thandi naseemein chalein mere Rabb Fitno ki dhool se paak howe Arab Aisa barsa baha de jo khashak sab Teri rehmat ke badal gherein chaar soo Allahu Allahu Allahu Allahu Reham farma khudaya haram paak ho Tu ne taqdees bakshi hai jis khaak ko Daf-e-farma wahan par hai be-baak jo Aur gira bijliyan qahar ki bar-e-adu Allahu Allahu Allahu Allahu Noor ki tere hai ik jhalak khoobroo Dekhe noori to kyun na yaad aaye tu Un ka suroor hai mazhar tera hoo-ba-hoo Man ra-aani ra-al haqqa moobamoo Allahu Allahu Allahu Allahu Khwab-e-Noori mein aaein jo noor-e-Khuda Buq’a-e-noor ho apna zulmat-kada Jag-maga uthe dil chehra ho pur-ziya Nooriyon ki tarah shughl ho zikr ho Allahu Allahu Allahu Allahu La maujood illallah la mashhood illallah La maujood illallah la mashhood illallah La maqsood illallah la mabood illallah La ilaha illallah amanna bi rasulillah Hai maujood haqeeqi woh hai mashhood haqeeqi woh Hai maqsood haqeeqi woh mabood-e-haq-o-haqeeqi woh La ilaha illallah amanna bi rasulillah Ho ho ho ho ho ho Allah ho Allah Tera jalwa hai har su tu hi tu hai tu hi tu La ilaha illallah amanna bi rasulillah Haq ho haq ho haq ho haq Rabb-e-Naas o Rabb-e-Falaq Ghair nahi tera mutlaq bhoolunga main yeh na sabaq La ilaha illallah amanna bi rasulillah Antal Hadi Antal Haq rang-e-batil is se faq Qalb-e-mubtil sun kar shaq qalb-e-muslim ki ronaq La ilaha illallah amanna bi rasulillah Rabb-e-hasbi Jallallah ma fi qalbi illallah Haq haq haq Allah Allah Rabb Rabb Rabb Subhanallah La ilaha illallah amanna bi rasulillah Laisa kamithlihi shai-un laisa lahu kufuwan ahad Is se bun hai woh nahi bin Absar Isma' dekh aur sun La ilaha illallah amanna bi rasulillah Laisal Hadi illallah kehta hai yeh har bun-e-mo Sunta hoon main az har su Laisa siwaka ya Man Hu La ilaha illallah amanna bi rasulillah Bun ko banaya hai usne bun ko jamaya hai usne Bun ko ugaya hai usne bagh khilaya hai usne La ilaha illallah amanna bi rasulillah Allah Allah wa Rabb-e-Ahad fard-e-wa-wahid witr-o-samad Jis ka walid hai na walad zaat o sifat mein be-had-o-ad La ilaha illallah amanna bi rasulillah Ek haqeeqi hai woh Ahad ek nahi woh jo hai adad Pak hai woh az surat-e-wahd Kaifa yusawwar kaifa yuhad La ilaha illallah amanna bi rasulillah Mun'im o Haq o Samee o Baseer Baqi Bari Barr o Khabeer Jame' Mani' Manar o Kabeer Rafi' Nafi' Hayy o Qadeer La ilaha illallah amanna bi rasulillah Hakam-o-Adl-o-Ali-o-Azeem Dayyan-o-Rahman-o-Raheem Quddus-o-Hannan-o-Haleem Fattah-o-Mannan-o-Kareem La ilaha illallah amanna birasulillah Wali-e-Wali Muta'ali Hakeem Wahhab-o-Razzaq-o-Aleem Malik-e-Yaum-e-Deen-o-Jaheem Malik-e-Mulk-e-Khuld-o-Na'eem La ilaha illallah amanna birasulillah Woh hai Aziz-o-Mujeeb-e-Shakoor Woh hai Badee-o-Qareeb-e-Saboor Woh hai Mateen-o-Haseeb-o-Ghafoor Woh hai Mu'een-o-Raqeeb-e-Zaroor La ilaha illallah amanna birasulillah Woh hai Muqaddam aur Ghaffar Woh hai Muhaimin aur Jabbar Woh hai Mu-akhkhir aur Qahhar Woh hai Basit aur Sattar La ilaha illallah amanna birasulillah Noor Musawwir aur Tahir Batin Awwal aur Aakhir Wajid Majid aur Qadir Mu-min Mutakabbir Qahir La ilaha illallah amanna birasulillah Tawwab-o-Mughni Hadi Muqsit Muhyi Mumeet Ghani Muntaqim-o-Qayyum-o-Qawi Muqtadir-o-Wasi-e-Muhsi La ilaha illallah amanna birasulillah Mubdi Jaleel-o-Hafiz-o-Majeed Mu'ti Wakeel-o-Salam-o-Mu'eed Woh hai Lateef-o-Wadood-o-Waheed aur Shaheed-o-Hameed-o-Rasheed La ilaha illallah amanna birasulillah Woh hai Jawwad Afu A'toof Azali Abadi hai Ma'roof Yasrif Anna Jamee Suroof Maulal Kull-o-Huwa Ra-oof La ilaha illallah amanna birasulillah Woh hai Muheet-e-Ins-o-Jaan Woh hai Muheet-e-Jism-o-Jaan Woh hai Muheet-e-Kul-e-Azaan Woh hai Muheet-e-Kaun-o-Makaan La ilaha illallah amanna birasulillah Woh hai Muqeet-o-Mu'izz-o-Muzill Woh hai Hafiz-o-Naseer-e-ai dil Baad-o-Atash-o-Aab-o-Gil Sab ka woh hi hai Fa'il La ilaha illallah amanna birasulillah Maade usne paida kiye Uske Amr-e-Kun se bane Daur-o-Tasalsul ke jhagde Amr-e-Haq se qat' huwe La ilaha illallah amanna birasulillah Qabiz-o-Ba'is Khaliq hai Khafiz-o-Waris Raziq hai Jo hai us ka Aashiq hai Ghair-e-Natiq Natiq hai La ilaha illallah amanna birasulillah Koi na us se sabiq hai koi na us se lahiq hai Kaun sana ke laiq hai natiq ghair-e-natiq hai La ilaha illallah amunna birasulillah Sab hain hadis woh hai qadeem koi nahi hai us ka nadeem Peda us ne kiye hain faheem aur usi ne banaye laeem La ilaha illallah amunna birasulillah Ek hi hai woh beshak ek banda us ka har bad o nek Kafir dil mein us se atik apne dil ki hai yehi tek La ilaha illallah amunna birasulillah Sajhi na us ka koi shareek wahi malik hai wahi maleek Pak makan se aur nazdeek dekhe sune pusht o bareek La ilaha illallah amunna birasulillah Woh hai munazzah shirkat se pak sukoon o harkat se Kaam hain us ke hikmat se karta hai sab qudrat se La ilaha illallah amunna birasulillah Ek wajood-e-haqeeqi tha ghair sarasar fani hua Haq hain nazar se jab dekha bar-mala keh uthay uqla La ilaha illallah amunna birasulillah Baqi wajood-e-haqeeqat tha baqi yaksar manfi hua Keh uthay ye baaz urfa Ma fi hubbi illallah La ilaha illallah amunna birasulillah Har har zarra har qatra shahid hai har har lamha Us ki qudrat o sanat ka yakta-i o wahdat ka La ilaha illallah amunna birasulillah Allah-e-wahid o yakta hai ek khuda bas tanha hai Koi na us ka hamta hai ek hi sab ki sunta hai La ilaha illallah amunna birasulillah Ek na hota gar Allah kaise rehte arz o sama Hota na ek muhtaj ek ka kis liye ye us se milta La ilaha illallah amunna birasulillah Sota peeta khata nahi us ka rishta nata nahi Us ke pita aur mata nahi us ke joru jata nahi La ilaha illallah amunna birasulillah Jahl o zulm o kizb o zina khwari meikhwari sariqa Us se mumkin jis ne kaha La-raib us ne kufr baka La ilaha illallah amunna birasulillah Rooh nahi hai woh na jism muqassim hai woh na qasam o qaseem Is ke sifaat o asma qadeem yeh hai apna deen-e-qaveem La ilaha illallah amanna birasoolillah Hai woh zaman o jihaat se paak woh hai daimeem sifaat se paak Woh saare muhalaat se paak woh hai sab haalaat se paak La ilaha illallah amanna birasoolillah Paak hai aibon se maula aib ko us se alaqa kya Aib us ka saleh na hua ho mutaliq qudrat ka La ilaha illallah amanna birasoolillah Roshan hai yeh jaise din us ka talauwwut namumkin Waqe kehta hai momin aur phir banta hai momin La ilaha illallah amanna birasoolillah Man asdaqu minhu qila man asdaqu minhu haditha Kaisa kaisa rab ne kaha munkir ek nahi sunta La ilaha illallah amanna birasoolillah Sidq-e-rab wajib hai kizb-e-muhal ae khaib hai Jam-e-do zid kab jaiz hai aql kahan teri ghaib hai La ilaha illallah amanna birasoolillah Us ka khaye o munkir aur ghuraye o kafir Kaun hai deta o ghadir us ke siwa haan o fajir La ilaha illallah amanna birasoolillah Main hoon banda woh maula kaun hai apna us ke siwa Main hoon us ka woh hai mera jis ne banaya aur paala La ilaha illallah amanna birasoolillah Char anasir paida kiye jo sab aapas mein zid thay Ek girah mein kaise bandhay yakja kaise jam ho gaye La ilaha illallah amanna birasoolillah Ankhon mein woh hai sar mein woh dil mein woh hai jigar mein woh Sam mein woh hai basar mein woh tab mein woh hai fikr mein woh La ilaha illallah amanna birasoolillah Noor mein woh hai nazar mein woh shams mein woh hai qamar mein woh Abr mein woh hai gohar mein woh koh mein woh hai hajar mein woh La ilaha illallah amanna birasoolillah Parwana mein hai par mein woh shama mein woh hai shar mein woh Da o dawa o asar mein woh nafa mein woh hai zarar mein woh La ilaha illallah amanna birasoolillah Tukhm mein woh hai shajar mein woh Shakh mein woh hai samar mein woh Maah mein woh hai badr mein woh Bahr mein woh hai bar mein woh La ilaha illallah amanna birasulillah Soz mein woh hai saaz mein woh Naaz mein woh andaaz mein woh Husne bute tannaz mein woh Ishq ke raaz o niaz mein woh La ilaha illallah amanna birasulillah Tu mein woh hai man mein woh Jaan mein woh hai tan mein woh Abadi mein hai ban mein woh Sar mein woh hai alan mein woh La ilaha illallah amanna birasulillah Juz mein woh hai kul mein woh Rang o booye gul mein woh Afghan-e-bulbul mein woh Naghmate qul qul mein woh La ilaha illallah amanna birasulillah Qurb o liqa o wasl mein woh Bu'd o firaq o fasl mein woh Farz mein woh hai nafl mein woh Asl mein woh hai naql mein woh La ilaha illallah amanna birasulillah Fath o zam o jar mein woh Pesh o zer o zabar mein woh Ein o aan o digar mein woh Is mein is mein har mein woh La ilaha illallah amanna birasulillah Bulbul tuti parwana Har ik us ka deewana Qumri kis ka mastana Kaun chakur ka jaanana La ilaha illallah amanna birasulillah Sham'a o gul o sar o sarrat Hain mira'te lihaze zaat Warna haihata o haihata Puchta koi un ki baat La ilaha illallah amanna birasulillah Khud gul kuza o kuza gar Khud kuza o khud kuza bar Qole Rumi kar bawar Imaan hai ae gore kar La ilaha illallah amanna birasulillah Jalwe us ke hain har ja Zaat hai us ki jaye wara Qudrat se woh un mein hua Zaat mein hai woh sab se juda La ilaha illallah amanna birasulillah Nit naye jalwe hain har aan Kullu yaumin huwa fi shaan Khud hi dard o khud darmaan Khud hi dast o khud daamaan La ilaha illallah amanna birasulillah Har dil mein hai us ki lagan Ankhon mein woh noore afgan Kya sahra aur kya gulshan Mehre wajood ki ek kiran La ilaha illallah amanna birasulillah Sarw-o-sumbul aur saman shamshad-o-sanobar aur sawsan Nargis nasreen sara chaman us ki sana mein naghma zan La ilaha illallah amunna birasoolillah Maula dil ka zang chura qalb-e-noori paye jala dil ko karde aaina jis mein chamke ye kalma La ilaha illallah amunna birasoolillah Apne karam se Rabb-e-Kareem hum pe kiya ehsan-e-azeem bheja hum mein bafazl-e-ameem bahr-e-karam ka dur-e-yateem La ilaha illallah amunna birasoolillah Apne mazhar-e-awwal ko apne habeeb-e-ajmal ko pehle nabi-e-afzal ko pichle mursal-e-akmal ko La ilaha illallah amunna birasoolillah Woh jinhein anfus farmaya behtar bartar a'la kiya woh rutba un ko bakhsha koi nahi jo pa sakta La ilaha illallah amunna birasoolillah Aisi fazilatein un ko dein jin ka misl-e-imkan mein nahi rooh-e-rawan-e-khuld-e-bareen nakhl-e-jahan ke asl-e-mateen La ilaha illallah amunna birasoolillah Naib-e-Hazrat-e-Haq mateen shahanshah-e-charkh-o-zameen wali-e-takht-e-arsh-e-bareen rahat-e-jaan-o-qalb-e-hazeem La ilaha illallah amunna birasoolillah Mauj-e-awwal bahr-e-qadam mauj-e-aakhir bahr-e-karam sab se a'la aur a'zam sab se awla aur akram La ilaha illallah amunna birasoolillah Jin ko banaya apne liye sab ko banaya jin ke liye kab unhein de ke un se liye par sab chhore tere liye La ilaha illallah amunna birasoolillah Noor se apne paida kiya noor-e-habeeb-e-Rabb-e-Ula phir us noor ko hisse kiya un se banaya jo hai bana La ilaha illallah amunna birasoolillah Zaat-e-ka apni aaina be misl-o-nazeer-o-be hamta khalq kiya qabl az ashya aur nabuwat kar di ata La ilaha illallah amunna birasoolillah Jab Haq ko hua ye manzoor aalam par farmaye zuhoor ho khud maroof-o-mazkoor jilbab-e-khafa kar de door La ilaha illallah amunna birasoolillah Qalib-e-Adam khalq kiya, rooh dar aaye hukm hua Rooh dar aayi jab dekha, putlay mein hai noor-e-khuda La ilaha illallah ammana birasulillah Adam-o-alam paida huye, noor se saare huwayda huye Jo jo us par shaida huye, Rabb ke wahi garweeda huye La ilaha illallah ammana birasulillah Lauh-e-jabeen sayyiduna, Adam mein woh noor-e-khuda Jab taali hua toh unka, taali-e-qismat bhi chamka La ilaha illallah ammana birasulillah Noor-e-khuda ki barkat thi, rehne ko jannat paayi Nudrat-e-daulat-e-ilm mili, aur Adam huye haq ke Nabi La ilaha illallah ammana birasulillah Haq ne ilm-e-asma diya, jo na malaik ko bakhsha Woh malaka farmaya ata, un par un ko ghalba diya La ilaha illallah ammana birasulillah Adam ko sharaf aisa mila, aadmi ashraf-e-khalq hua Un ko khalifa-e-haq ne kiya, taj-e-kalamat sar pe rakha La ilaha illallah ammana birasulillah Waasta yeh us noor ka tha, hazrat-e-insan qibla bana Saare farishton ne sajda kiya, pesh-e-Safiyullah kiya La ilaha illallah ammana birasulillah Paak garoh-e-muqaddas ka, ek allama muallim tha Qaum jin se tha paida, tha usay ghura-e-ibadat ka La ilaha illallah ammana birasulillah Jab sajda ka hukm hua, sab ne kiya us ne na kiya Aur mutakabbir ne yeh baka, yeh mitti mein angaara La ilaha illallah ammana birasulillah Us ko aab-o-gil soojha, munkir ho kar shaitan bana Jin ke sabab woh hukm hua, us ne woh noor nahi dekha La ilaha illallah ammana birasulillah Yaari jo noor nahi karta, dekhte kaise fauq-e-sama Naam-e-Habib-o-naam-e-Khuda, saaq-e-arsh pe likha hua La ilaha illallah ammana birasulillah Josh pe aaya rehm ka dariya, jab sayyiduna Adam ne diya Waasta us noor-e-khuda ka, maqbool hui yun tauba La ilaha illallah ammana birasulillah Jab Hazrat ka ji na laga tanhai se ghabra utha Dil jami ke liye hua khalq ki be misl-o-humta La ilaha illallah amanna bi rasulillah Hawa se jab Adam ka ahd-e-mahr-e-darood hua Adam se woh noor-e-Khuda zauja ko tafweez hua La ilaha illallah amanna bi rasulillah Peshani-e-Shees mein aaya sulbon rehamon mein hota Peshani-e-Nooh mein aaya phir aise hi aage badha La ilaha illallah amanna bi rasulillah Hazrat Nooh-e-Najiyullah Adam-e-Sani aalam ka Yar na gar yeh noor hota unka safeena kab tarta La ilaha illallah amanna bi rasulillah Ibrahim Khalilullah aag mein jin ko dala gaya Unka hami noor hua naar ka buq'ah baagh bana La ilaha illallah amanna bi rasulillah Tahir sulbon mein hota paak arham mein rehta hua Hona chaha jalwa numa batn-e-Amina mein aaya La ilaha illallah amanna bi rasulillah Amina ne yeh farmaya haml ki kulfat thi na zara Jatna qareen az waz'a hua mein sunti zyada marhaba La ilaha illallah amanna bi rasulillah Maah-e-awwal mein Adam doosre mein Idris-e-afkham Teesri mein Nooh-e-Akram chauthe mein Khalil-e-arham La ilaha illallah amanna bi rasulillah Paanchvi mein Ismael chhatvi mein Kaleem-e-Jaleel Saatvi mein Dawood-e-Jameel hashtam mein Sulaiman-e-Jaleel La ilaha illallah amanna bi rasulillah Maah-e-nahum Hazrat-e-Isa aaye mujh ko muzda diya Is maulood-e-mubarak ka aur Ruhullah ne bhi kaha La ilaha illallah amanna bi rasulillah Sun lo jab yeh noor-e-Khuda paida ho to tum iska Naam-e-paak Ahmed rakhna sallallahu alaihi dainma La ilaha illallah amanna bi rasulillah Aur kisi ne yeh bhi kaha khwab mein mujh se Amina Pet mein tere ummat ka sardar hai Allah Allah La ilaha illallah amanna bi rasulillah Pet mein thay jab yeh Sarkar us se pehle ke azkar Khushk thay sab barg-o-ashjar sookh gaye thay ab asmar La ilaha illallah amanna birasoolillah Be saaz-o-barg ke siwa koi phoola aur phoola na tha Batn mein jalwa farma tha jab ke hua woh noor-e-khuda La ilaha illallah amanna birasoolillah Qoum musaib ki thi shikar aur aafton se thi dochar Aur zulmon ki thi bharmar ek ko ik karta nachar La ilaha illallah amanna birasoolillah Jaur-o-jafa tha un ka shiar niyatein rakhte thay woh khwar (Natamam) Amanat-e-Rasool Noori Ghafar lahu