Allah Allah ke Nabi se
Faryaad hai nafs ki badi se
Din bhar khelon mein khaak udayi
Laaj aayi na zarron ki hansi se
Shab bhar sone hi se garaz thi
Taaron ne hazaar daant peese
Imaan pe maut behtar o nafs
Teri naapak zindagi se
O shehad numaye zehar-e-dar-e-jaam
Gum jaun kidhar teri badi se
Gehre pyaare purane dil soz
Guzra main teri dosti se
Tujh se jo uthaye main ne sadme
Aise na mile kabhi kisi se
Uff re khudkaam be-maruwat
Padta hai kaam aadmi se
Tu ne hi kiya Khuda se naadim
Tu ne hi kiya khajal Nabi se
Kaise Aaqa ka hukm tala
Ham mar mite teri khud-sari se
Aati na thi jab badi bhi tujh ko
Ham jaante hain tujhe jhi se
Had ke zaalim sitam ke katar
Patthar sharmaye tere ji se
Ham khaak mein mil chuke hain kab ke
Nikla na gubaar tere ji se
Hai zaalim! main nibahun tujh se
Allah bachaye us ghadi se
Jo tum ko na jaanta ho Hazrat
Chalein chale is ajnabi se
Allah ke saamne woh gan the
Yaaron mein kaise muttaqi se
Rehzan ne loot li kamayi
Faryaad hai Khizr-e-Haashmi se
Allah kunwein mein khud gira hun
Apni nalish karun tujhi se
Hain pusht-e-panah Ghous-e-Azam
Kyun darte ho tum Raza kisi se