اپنا غم یا شہہِ انثیا دیجئے چشمِ نم یا حبیبِ خدا دیجئے

اپنا غم یا شہہِ انثیا دیجئے چشمِ نم یا حبیبِ خدا دیجئے چاک سینہ شہِ دوسرا دیجئے قلبِ بے چینِ مصطفیٰ دیجئے مجھ کو آقا مدینے بلا لیجئے اور مہمان اپنا بنا لیجئے در پہ بلوا کے جلوہ دکھا دیجئے میرا سینہ مدینہ بنا دیجئے التجا ہے مری یا حبیبِ خدا اشکبار آنکھ ہو جائے مجھ کو عطا از طفیلِ بلال و اویس و رضا آنسوؤں کا خزانہ شہا دیجئے سوزِ اُلفت کے دل میں جلائے دیئے یادِ طیبہ میں جو جا رہے ہیں جئے اور بے تاب ہیں حاضری کے لئے اُن کو بیٹھا مدینہ دکھا دیجئے مجھ کو احباب تنہا چلے چھوڑ کر جلد لیجے خبر آمنہ کے پسر! گھپ اندھیرا ہے یا شاہِ جن و بشر نور سے لحد اب جگمگا دیجئے ہے گناہوں کا انبار سلطان دیں! نیکیاں میرے پلّے میں کچھ بھی نہیں چاک ہو جائے پردہ نہ میرا کہیں اب خدا سے شہا! بخشوا دیجئے کاش! نیکی کی دعوت میں دوں جابجا سنتیں عام کرتا رہوں جابجا گر ستم ہو اسے بھی سہوں جابجا ایسی ہمت حبیبِ خدا دیجئے پھر عرب کی حسیں وادیاں دیکھنے سبز گنبد کی ہریاں دیکھئے روضہِ پاک کی جالیاں دیکھنے اِذنِ بدکار کو مصطفیٰ دیجئے ہے تمنائے عطار اندوگیں ہو نگاہِ کرم اس پہ سلطان دیں بس بقیعِ مبارک میں دو گز زمیں از طفیلِ شہہِ کربلا دیجئے