Arsh ki aql dang hai charkh mein aasman hai
Jaan-e-murad ab kidhar haye tera makan hai
Bazm-e-sana-e-zulf mein meri aroos-e-fikr ko
Saari bahaar-e-hasht khuld chhota sa ik mar-daan hai
Arsh pe ja ke murgh-e-aql thak ke gira ghash aa gaya
Aur abhi manzilon pare pehla hi aastaan hai
Arsh pe taza chher chhar farsh mein tarfa dhoom dhaam
Kaan jidhar lagaiye teri hi dastaan hai
Ik tere rukh ki roshni chain hai do-jahan ki
Uns ka uns usi se jaan ki woh hi jaan hai
Woh jo na the to kuch na tha woh jo na hon to kuch na ho
Jaan hain woh jahan ki jaan hai to jahan hai