Aye Shaafi-e-Umam Shah-e-Zee Jah Le Khabar
Lillaah Le Khabar Meri Lillaah Le Khabar
Dariya Ka Josh, Naav Na Beda Na Nakhuda
Main Dooba, Tu Kahan Hai Mere Shah Le Khabar
Manzil Kadi Hai Raat Andheri Mein Na-Balad
Aye Khizr Le Khabar Meri Aye Maah Le Khabar
Pahunche Pahunchne Wale To Manzil Magar Shaha
Un Ki Jo Thak Ke Baithe Sar-e-Raah Le Khabar
Jangal Darindon Ka Hai Main Be-Yaar-e-Shab Qareeb
Ghere Hain Chaar-Samt Se Bad-Khwah Le Khabar
Manzil Nayi Azeez Juda Log Naashinaas
Toota Hai Koh-e-Gham Mein Pur-Kaah Le Khabar
Woh Sakhtiyan Sawal Woh Soortein Muheeb
Aye Ghamzadon Ke Haal Se Aagah Le Khabar
Mujrim Ko Bargah-e-Adalat Mein Laaye Hain
Takta Hai Be-Kasi Mein Teri Raah Le Khabar
Ahl-e-Amal Ko Un Ke Amal Kaam Aayenge
Mera Hai Kaun Tere Siwa Aah Le Khabar
Pur-Khaar Raah, Barhana-Pa, Tishna-e-Aab Door
Maula Padi Hai Aafat-e-Jaan-Gah Le Khabar
Bahar Zubanein Pyaas Se Hain, Aaftab Garam
Kausar Ke Shah Kassara-Llah Le Khabar
Maana Ke Sakht Mujrim-o-Nakara Hai Raza
Tera Hi To Hai Banda-e-Dargah Le Khabar