Dushman-e-Ahmad pe shiddat kijiye
Mulhidon ki kya murawwat kijiye
Zikr un ka chhediye har baat mein
Chhedna shaitan ka aadat kijiye
Misle Fars zalzale hon Najd mein
Zikr-e-Aayaat-e-Wilaadat kijiye
Ghaiz mein jal jayen be-deeno ke dil
"Ya Rasool Allah" ki kasrat kijiye
Kijiye charcha unhin ka subh-o-shaam
Jaan-e-Kafir par qayamat kijiye
Aap Dargah-e-Khuda mein hain Wajeeh
Haan shifa'at bil-wajaahat kijiye
Haq tumhein farma chuka apna Habeeb
Ab shifa'at bil-mohabbat kijiye
Izn kab mil chuka ab to Huzoor
Ham ghareebon ki shifa'at kijiye
Mulhidon ka shak nikal jaye Huzoor
Janib-e-mah phir isharat kijiye
Shirk thehre jis mein ta'zeem-e-Habeeb
Us bure mazhab pe la'nat kijiye
Zaalimo! Mehboob ka haq tha yahi
Ishq ke badle adawat kijiye
Wad-duha, Hujraat, Alam nashrah se phir
Momino! Itmaam-e-hujjat kijiye
Baithte uthte Huzoor-e-Paak se
Iltija o istiaanat kijiye
Ya Rasool Allah duhai aap ki
Goshmaal-e-ahl-e-bid'at kijiye
Ghouse-e-Azam aap se faryad hai
Zinda phir ye paak millat kijiye
Ya Khuda tujh tak hai sab ka muntahi
Awliya ko hukm-e-nusrat kijiye
Mere Aqa Hazrat-e-Achhe Miyan
Ho Raza wo soorat kijiye