Gham ke maron par karam ae do jahan ke Tajdar
Apne gham mein apni ulfat mein rulao zaar zaar
Sadqe jaon mujh se aasi par Shah-e-Kon-o-Makan
Be-adad teri atayen hain beshumar
Jo tarapte hain Madine ki ziyarat ke liye
Un ko bhi Aaqa dikha do tum Madine ki bahar
Ho mera seena Madina Tajdar-e-Anbiya
Dil mein bas jaye tera jalwa Shah-e-Aali Waqar
Az paye Ghous-o-Raza maskan Madina do bana
Kaash ho madfan Madina az tufail-e-chaar yaar
Ghoomte rehte ho tum Aaqa ki galiyon mein sada
Tum pe ho jaon tasadduq ae sagan-e-kooye yaar
Bulblo tum ko mubarak phool, par meri nazar
Mein Madine ki haseen woh jhariyan hain khar dar
Aaj ke is sunnaton ke ijtima-e-pak mein
Jo bhi aaya bakhash de is ko mere Parwardigar
Kuch to kar ehsas bhai chhor nafarmaniyan
Gham mein Aaqa apni ummat ke hain hote be-qarar
Mere ghairat mand bhai mat munda darhi ko tu
Yaad rakh ye dushmanan-e-Mustafa ka hai shiar
Chhor angrezi tariqe aur fashion chhor de
Bhai kar le sunnaton se khoob rishta ustawar
De sharaf Attar ko har saal hajj ka ya khuda
Har baras is ko dikha mitha Madine ka diyar