Go zaleel-o-khwar hoon kar do karam
Par sag-e-darbar hoon kar do karam
Ya Rasool Allah! Rehmat ki nazar
Hazir-e-darbar hoon kar do karam
Rehmaton ki bheek lene ke liye
Hazir-e-darbar hoon kar do karam
Dard-e-isyan ki dawa ke waste
Hazir-e-darbar hoon kar do karam
Apna gham do chashm-e-nam do dard-e-dil
Hazir-e-darbar hoon kar do karam
Aah! palle kuch nahi husn-e-amal!
Muflis-o-nadar hoon kar do karam
Jazba-e-husn-e-amal hai aur na ilm
Naqis-o-bekar hoon kar do karam
Asiyon mein koi hum-palla na ho!
Haye woh badkar hoon kar do karam
Hai taraqqi par gunahon ka marz
Aah! woh bimar hoon kar do karam
Tum gunahgaron ke ho Aaqa Shafee'
Main bhi to haq-dar hoon kar do karam
Daulat-e-akhlaq se mehroom hoon
Haye! bad-guftar hoon kar do karam
Aankh de kar mudda pura karo
Talib-e-deedar hoon kar do karam
Dost, dushman ho gaye Ya Mustafa
Bekas-o-nachar hoon kar do karam
Kar ke tauba phir gunah karta hai jo
Main wohi Attar hoon kar do karam