Hai Aaj Jashn-e-Wiladat-e-Nabi Ki Aamad Hai

Hai Aaj Jashn-e-Wiladat-e-Nabi Ki Aamad Hai Jalao Sham-e-Mohabbat Nabi Ki Aamad Hai Jahan Mein Bajti Hai Naubat Nabi Ki Aamad Hai Sunao Sab Ko Basharat Nabi Ki Aamad Hai Hui Khuda Ki Inayat Nabi Ki Aamad Hai Sajao Taj-e-Shafaat Nabi Ki Aamad Hai Gulon Pe Chhayi Nazahat Nabi Ki Aamad Hai Chaman Mein Phaili Hai Nakhat Nabi Ki Aamad Hai Hai Ek Ajeeb Si Farhat Nabi Ki Aamad Hai Dilon Pe Taari Musarrat Nabi Ki Aamad Hai Na Kyun Ho Wajd Mein Qismat Nabi Ki Aamad Hai Nahi Khushi Ki Nihayat Nabi Ki Aamad Hai Ilahi! Karloon Ziyarat Nabi Ki Aamad Hai Ata Ho Chashm-e-Baseerat Nabi Ki Aamad Hai Hai Khoob Barish-e-Rehmat Nabi Ki Aamad Hai Nahalo Pao Ge Barkat Nabi Ki Aamad Hai Hua Hai Wa Dar-e-Rehmat Nabi Ki Aamad Hai Khuda Se Maang Lo Jannat Nabi Ki Aamad Hai Baraye Rushd-o-Hidayat Nabi Ki Aamad Hai Sunane Neki Ki Dawat Nabi Ki Aamad Hai Adu Pe Chhayi Hai Haibat Nabi Ki Aamad Hai Mili Hai Khak Mein Nahwat Nabi Ki Aamad Hai Buton Ki Aagayi Shamat Nabi Ki Aamad Hai Mite Gi Kufr Ki Zulmat Nabi Ki Aamad Hai Khushi Ki Aagayi Sa'at Nabi Ki Aamad Hai Manao Jashn-e-Wiladat Nabi Ki Aamad Hai Sajao Ghar Ko Chiraghan Karo Mohalle Mein Manao Jashn-e-Wiladat Nabi Ki Aamad Hai Machao Dhoom Sabhi Marhaba Ke Naron Ki Manao Jashn-e-Wiladat Nabi Ki Aamad Hai Saja Do Kocha-o-Bazar Sabz Jhandon Se Manao Jashn-e-Wiladat Nabi Ki Aamad Hai Pukaro Zor Se Deewano! Ya Rasool Allah Mile Gi Qalb Ko Rahat Nabi Ki Aamad Hai Utho Adab Se Salato-o-Salam Parhte Hain Ab Aaya Waqt-e-Wiladat Nabi Ki Aamad Hai Parho Salam Karoodoob Kar Mohabbat Mein Darood-e-Pak Ki Kasrat Nabi Ki Aamad Hai Karam Ke Dar Hain Khule Jhoom Kar Barasti Hai Khuda-e-Pak Ki Rehmat Nabi Ki Aamad Hai Karo Khuda Se Duayen Na Hogi Mayusi Khula Hai Bab-e-Ijabut Nabi Ki Aamad Hai Hai Shad Musalman Magar Adu Nakhush Be Tooti Is Pe Qayamat Nabi Ki Aamad Hai Juloos-e-Jashn-e-Wiladat Mein Naat Ki Dhoomein Machao Hai Yeh Sa'adat Nabi Ki Aamad Hai Khushi Se Aaj To Looton Ga Khoob Machloon Ga Jahan Mein Mah-e-Risalat Nabi Ki Aamad Hai Ghar-e-Aamna Ke Chalochal Ke Arz Karte Hain Hamein Ho Bheek Inayat Nabi Ki Aamad Hai Ae Ghamzada! Ho Mubarak Ke Gham Ghalat Honge Mile Gi Ab Tumhein Rahat Nabi Ki Aamad Hai Khushi Se Phoole Sate Nahi Hain Ushaaq Aaj Hai Chhayi Rukh Pe Bashashat Nabi Ki Aamad Hai Karo Gunahon Se Tauba To Khush Khuda Hoga Bahao Ashk-e-Nadamat Nabi Ki Aamad Hai Ilahi! Jashn-e-Wiladat Ka Wasta Hum Ko Azab-e-Qabr Se De De Bara'at Nabi Ki Aamad Hai Barha Ke Kasa-e-Dil Aaj Maang Lo Mango Tum Un Se Un Ki Mohabbat Nabi Ki Aamad Hai Na Maangne Mein Kasr Sail-o-Koi Rakhna Jo Chaho Maang Lo Nemat Nabi Ki Aamad Hai Sabhi Nabi Safen Bandhe Khade Hain Aqsa Mein Hui Baraye Imamut Nabi Ki Aamad Hai Andheri Gor Mein Ghabrao Mat Gunahgaro Lo Karlo Tum Bhi Ziyarat Nabi Ki Aamad Hai Jo Khush Naseeb Hain Woh Apne Rabb Ki Rehmat Se Piyen Ge Deed Ka Sharbat Nabi Ki Aamad Hai Gunahgaro Palat Jao Aaj Qadmon Se Karam Se Pao Ge Jannat Nabi Ki Aamad Hai Andhera Ghap Tha Chaka Chaund Hogayi Yak Dam Bafazle Meri Turbat Nabi Ki Aamad Hai Karam Ki Barishen Hon Gi Ae Mujramo Tum Par Zara Bhi Aaj Daro Mat Nabi Ki Aamad Hai Farishtagan-e-Azab Ab To Chhor Do Mujh Ko Hui Baraye Shafa'at Nabi Ki Aamad Hai Lapat Ke Daman-e-Rehmat Se Qabr Mein Attar Nikalo Aaj To Hasrat Nabi Ki Aamad Hai