Hai kabhi durood o salam toh, kabhi naat lab pe saji rahi
Gham-e-hijr mein kabhi ro pada, kabhi hazri ki khushi rahi
Teri aankh mein jo nami rahi, kali tere dil ki khuli rahi
Kabhi dil mein hook uthi rahi, toh nigah teri jhuki rahi
Mujhe karde deedah-e-tar ata, gham-e-ishq soz-e-jigar ata
Ho Baqi-e-Pak mein ja ata, yehi aarzoo-e-dili rahi
Na kaseer maal ki aarzoo, na hi iqtidaar ki justujoo
Main toh sail-e-gham-e-ishq hoon, mere aage hech shahi rahi
Jise mil gaya gham-e-Mustafa, use zindagi ka maza mila
Kabhi sail-e-ashk-e-rawan huwa, kabhi 'aah' dil mein dabi rahi
Yeh hai zindagi koi zindagi, na namaz hai na hi bandagi
Yehi hub-e-jah ki gandagi, teri kyun nazar mein basi rahi