Haqeeqat Aap Ki Haq Jaanta Hai
Woh Wahm-o-Fahm Se Aqa Wara Hai
Kuch Aisa Aap Ko Haq Ne Kiya Hai
Ke Khud Woh Aap Ka Taalib Hua Hai
Buland Itna Tujhe Haq Ne Kiya Hai
Ke Arsh-e-Haq Bhi Tere Zer-e-Pa Hai
Jo Auron Ke Ulu Ki Inteha Hai
Woh Sarkar-e-Ulu Ki Ibtida Hai
Khuda Ki Zaat Tak Tu Hi Rasa Hai
Kisi Ka Bhi Yeh Aali Martaba Hai
Na Hai Tum Sa Na Koi Hoga Aage
Na Ae Aqa Koi Tum Sa Hua Hai
Malaik Mein Rusul Mein Anbiya Mein
Koi Arsh-e-Ula Tak Bhi Gaya Hai
Ta'ala Allah Teri Shaan-e-Aali
Jalaalat-e-Shaan Ki Kya Inteha Hai
Nikali Zauraq-e-Khurshid Doobi
Ishaare Se Qamar Tukde Kiya Hai
Tumhein Ho Doosra Mein Sab Se Baala
Bas Ik Allah Hi Tum Se Siwa Hai
Teri Surat Se Hai Haq Aashkara
Khuda Bhaati Teri Har Har Ada Hai
Nahin Ho Sakta Tujh Se Koi Baahar
Ke Tu Hi Mubtada-o-Muntaha Hai
Tu Hai Noor-e-Khuda Phir Saaya Kaisa
Kahin Bhi Noor Ka Saaya Pada Hai
Tu Hai Zill-e-Khuda Wallahu Billah
Kahin Saaye Ka Bhi Saaya Pada Hai
Zameen Par Tera Saaya Kaise Padta
Tera Mansoob Arfa' Daaima Hai
Khuda Ka Fazl-e-Aazam Aap Par Hai
Sikhaya Sab Kuch Tumhein Haq Ne Diya Hai
Na Minnat Tum Pe Ustaadon Ki Rakhi
Tumhara Ummi Hona Mo'jaza Hai
Hatheli Ki Tarah Pesh-e-Nazar Hai
Hawa Jo Hoga Jo Kuch Ho Raha Hai
Na Koi Raaz Ho Poshida Tum Se
Na Koi Raaz Poshida Raha Hai
Chupa Tum Se Rahe Kyunkar Koi Raaz
Khuda Bhi To Nahin Tum Se Chupa Hai
Musallat Ghaib Par Tu Kyon Na Hota
Nabi-o-Mujtaba-o-Murtaza Hai
Teri Marzi Raza-e-Haq Hai Maula
Raza-e-Haq Teri Marzi Shaha Hai
Guzar Tera Hua Hai Jo Gali Se
Teri Khushbu Se Har Zarra Basa Hai
Duroodein tum pe haq ki hon hamesha
Hamari haq se har dam ye dua hai
Durood us par ho jis par haq duroodein
Bahar lahza bahar dam bhejta hai
Salam us par jo hai matloob Rab ka
Salam us par jo mehboob-e-Khuda hai
Salam us par ye bahr-o-bar hain jis ke
Salam us par jo Shah-e-Dosara hai
Jis Aaqa ke malaik hain salami
Jo Shah-e-Kursi-o-Arsh-e-Ala hai
Khuda ki saltanat ka jo hai dulha
Salam us par jo rehmat ka bana hai
Jise sang-o-shajar tasleem karte
Salam us par jo aisa baadshah hai
Salam us par jo awwal hai rusul ka
Salam us par jo Khatam-ul-Anbiya hai
Salam-e-Awwal ka awwal par hamesha
Salam baqi ho jab tak baqa hai
Salam-e-Aakhir ka aakhir par daayem
Na bas aalam hi tak jis ko fana hai
Salam-e-Zahir-o-Batin ho us par
Jo zahir ho ke batin ho gaya hai
Salam ae jaan-e-rehmat kaan-e-nemat
Salam ae ke wo shaan-e-Haq numa hai
Rahe jalwa tumhara dil ke andar
Mere pyare ye dil ka mudda hai
Rahe pesh-e-nazar wo ruye-anwar
Tarasti aankhon ki ye iltija hai
Sharab-e-deed se dil shaad kije
Hamare dard ki ye hi dawa hai
Yahin hai be-thikanon ka thikana
Yahin shah-o-gada sab ka thaya hai
Dam-e-aakhir to aaja jaan-e-Isa
Hain saqit nabzein ghungar bolta hai
Dam-e-aakhir chale aao khudara
Dukha do marne wala jee raha hai
Tere qadmon mein jis ko maut aaye
Hayat-e-jawidan us ki qaza hai
Hata dije rukh-e-anwar se gesu
Andhera qabr ka kaali bala hai
Sungha dije hamein wo zulf-e-mushkeen
Sifat mein jis ki Wal-Laili-Saja hai
Dukha dije shaha pur-noor chehra
Sifat mein jis ki Wash-Shamsi-Ad-Duha hai
Tere qurban ae zulf-e-mu-anbar
Hamare sar hujoom-e-bad-bala hai
Mere sar se balayein door farma
Balaon mein ye banda mubtala hai
Naheef-o-natwan sarkar hum hain
Bohat sabr aazma yeh ibtila hai
Pareshan hoon pareshani karo door
Balaon mein yeh banda mubtala hai
Na keeje door apne dar se hum ko
Para rehne do jo dar par para hai
Shaheed-e-Karbala ka sadqa de de
Tu shaha dafa-e-karb-o-bala hai
Pareshan hoon pareshani karo door
Pareshan sa pareshan dil mera hai
Pareshani watan ki yaad kar ke
Pareshan dil abhi se ho raha hai
Pareshani hai gonagon watan mein
Pareshan un ko farma do tu kya hai
Yahan kyon kar na dil aaram paye
Jahan aaram-e-jaan-o-dil mera hai
Main ghar jaon to un mein ghar na jaon
Yahan bas yeh tafakkur ho raha hai
Ramooz-e-maslihat sarkar janen
Agar wapas hi farmana bhala hai
Magar itni guzarish ki ijazat
Yeh banda dast-basta chahta hai
Humhein phir apne qadmon mein bulana
Yehi Maula Ta'ala se dua hai
Ke phir Sarkar ke qadmon mein laye
Yehi par marne jeene mein maza hai
Qayamat hai qayamat hai qayamat
Jidhar dekho udhar mehshar bapa hai
Zameen tabne ki hai suraj saron par
Tapish se bhejha sar mein kholta hai
Zara sa bhi nahin saya kahin par
Arq itna baha dariya baha hai
Zabanen sookhi hain kaante jame hain
Atash se haal abtar ho raha hai
Kaleje munh ko aaye dam ghute hain
Ulat kar dil gale mein aa raha hai
Sarapa koi tu gharq-e-arq hai
Kisi ke munh tak aa kar reh gaya hai
Tarapta hai koi be-chain ho kar
Koi gir kar zameen par lot-ta hai
Misal-e-mahi-e-be-aab koi
Koi jal kar kabab sookhta hai
Ajab hi kas pursi ka hai aalam
Jise dekho bhurakta bhagta hai
Zan-o-sho mein nahin baqi ta'aruf
Na bhai bhai ko pehchanta hai
Na koi aaj haami hai na yaawar
Kahein kis se ke aisa maajra hai
Bure ahwaal hain us roz uff uff
Bahut ahwaal-e-bad ka saamna hai
Koi haanpe koi kaanpe karahe
Koi rota koi chilla raha hai
Hai daar-o-geer ka hangama barpa
Bahut sakht aafton ka saamna hai
Rusul bhi nafsi nafsi keh rahe hain
Himayat ka kise ab aasra hai
Bandhegi aas apni baad har yaas
Usi se jo hamara aasra hai
Usi ke paas sab pahunchenge aakhir
Woh jis ka naam-e-Mustafa hai
Shafa'at ka usi ke sar hai sehra
Wahi is bazm ka dulha bana hai
Chalo ae aasiyo kyon garh rahe ho
Woh mehboob-e-Khuda jalwa numa hai
Malool ae gham zada tum kis liye ho
Woh pyara Mustafa jab ghamzada hai
Sunenge sunne wale izhabu ke
Zaban-e-paak par inni laha hai
Mazaalim karlein jitne hon yeh zaalim
Na kar gham Noori apna bhi Khuda hai