Hawa jaata hai dushman sab zamana ya Rasool Allah

ہوا جاتا ہے دشمن سب زمانہ یا رسول اللہ سناؤں اب کسے غم کا فسانہ یا رسول اللہ مجھے چاروں طرف سے دشمنوں نے گھیر رکھا ہے بچانا یا رسول اللہ بچانا یا رسول اللہ جو اپنے تھے وہی بیگانے ہو کر اب ستاتے ہیں کرم للہ! یا شاہِ زمانہ! یا رسول اللہ بھنور میں پھنس چکی ہے ناؤ آقا! ہائے کیا ہوگا! شہاہ! جلدی سے پار آکر لگا دو یا رسول اللہ غم و آلام نے ہر سمت سے آقا جکڑ ڈالا پئے غوثِ و رضا آ کر چھڑانا یا رسول اللہ شہاً! گلزارِ سنّت پر خُزاں نے کر دیا حملہ بہاریں سنّتوں کی پھر دکھانا یا رسول اللہ غمِ دُنیا میں کیوں روئیں ہمیں کر دو نصیب آقا تمہارے غم میں ہی آنسو بہانا یا رسول اللہ ڈُبایا بلکہ مارا بھی مجھے یا مصطفیٰ جس نے اُسے بھی اپنے سینے سے لگانا یا رسول اللہ نہیں عطارؔ قابلِ امتحاں کے سرورِ عالم بہر صورت تمہیں اِس کو نبھانا یا رسول اللہ