Ho Mubarak Ahl-e-Isiyan, Ho Gaya Bakhshish Ka Samaan

یا نبی سلام علیک یا رسول سلام علیک یا حبیب سلام علیک صلوٰۃ اللہ علیک ہو مبارک اہل عِصیاں، ہو گیا بخشش کا ساماں آ گئی صبحِ بہاراں، ہو گیا گھر گھر چراغاں یا نبی سلام علیک یا رسول سلام علیک یا حبیب سلام علیک صلوٰۃ اللہ علیک جشنِ میلاد النبی ہے، نور کی چادر تنی ہے روشنی ہی روشنی ہے، دُھوم ہر جانب مچی ہے یا نبی سلام علیک یا رسول سلام علیک یا حبیب سلام علیک صلوٰۃ اللہ علیک آج ہے صبحِ بہاراں، جھومتے ہیں سب مسلماں گھر چکا ہے ابرِ باراں، رَحمتوں سے بھر لو داماں یا نبی سلام علیک یا رسول سلام علیک یا حبیب سلام علیک صلوٰۃ اللہ علیک آمنہ بی بی کے گھر پر، آ گیا نبیوں کا افسر جھک گیا ہے کُفر کا سر، پڑ گئی ہے دھوم گھر گھر یا نبی سلام علیک یا رسول سلام علیک یا حبیب سلام علیک صلوٰۃ اللہ علیک آمنہ بی بی کے دُلارے، اے دکھی دل کے سہارے کون ہے جو اب سنوارے، میرے بگڑے کام سارے یا نبی سلام علیک یا رسول سلام علیک یا حبیب سلام علیک صلوٰۃ اللہ علیک تم مکینِ لامکاں ہو، اور حق کے رازداں ہو اِذنِ رب سے غیب داں ہو، کیا ہے جو تم سے نہاں ہو یا نبی سلام علیک یا رسول سلام علیک یا حبیب سلام علیک صلوٰۃ اللہ علیک اوّل و آخر تم آقا، باطن و ظاہر تم آقا حاضر و ناظر تم آقا، طیب و طاہر تم آقا یا نبی سلام علیک یا رسول سلام علیک یا حبیب سلام علیک صلوٰۃ اللہ علیک آپ سلطانِ جہاں ہیں، دردمندِ بے کساں ہیں چارۂ بے چارگاں ہیں، بے أمانوں کی اماں ہیں یا نبی سلام علیک یا رسول سلام علیک یا حبیب سلام علیک صلوٰۃ اللہ علیک تم حبیبِ کبریا ہو، اور امام الأنبیاء ہو دو جہاں کے پیشوا ہو، شافعِ روزِ جزا ہو یا نبی سلام علیک یا رسول سلام علیک یا حبیب سلام علیک صلوٰۃ اللہ علیک یا حبیبِ ربِ داور، از پئے صدیقِ اکبر اور عمر عثمان و حیدر، چشمِ تر دو قلبِ مُضطر یا نبی سلام علیک یا رسول سلام علیک یا حبیب سلام علیک صلوٰۃ اللہ علیک واسطہ غوثِ الورٰی کا، حضرتِ احمد رضا کا اور میرے مرشد پیا کا، رُخ بدل دو ہر بلا کا یا نبی سلام علیک یا رسول سلام علیک یا حبیب سلام علیک صلوٰۃ اللہ علیک حُبِ دنیا سے بچا لو، مجھ نکمے کو نبھا لو دل سے شیطاں کو نکالو، اپنا دیوانہ بنا لو یا نبی سلام علیک یا رسول سلام علیک یا حبیب سلام علیک صلوٰۃ اللہ علیک دَردِ عِصیاں کو مٹانا، نیک مجھ کو تم بنانا راہِ سنّت پر چلانا، اپنی الفت میں گمانا یا نبی سلام علیک یا رسول سلام علیک یا حبیب سلام علیک صلوٰۃ اللہ علیک بادشاہت اور حکومت، دو نہ تم دنیا کی دولت دو فقط اپنی مَحَبَّت، اے شہنشاہِ رسالت یا نبی سلام علیک یا رسول سلام علیک یا حبیب سلام علیک صلوٰۃ اللہ علیک رَحْمَةٌ لِّلْعٰلَمِیْنَ ہو، اور شفیعِ المُذْنِبِیْنَ ہو فضلِ رب سے کیا نہیں ہو، بعد رب کے بس تمہیں ہو یا نبی سلام علیک یا رسول سلام علیک یا حبیب سلام علیک صلوٰۃ اللہ علیک تم مدینے میں بلانا، اپنا جلوہ بھی دکھانا کلمۂ طیب پڑھانا، اپنے قدموں میں سلانا یا نبی سلام علیک یا رسول سلام علیک یا حبیب سلام علیک صلوٰۃ اللہ علیک اے شہنشاہِ مدینہ، عشق کا دیدو خزینہ ہو مرا سینہ مدینہ، عرض کرتا ہے کمینہ یا نبی سلام علیک یا رسول سلام علیک یا حبیب سلام علیک صلوٰۃ اللہ علیک رَحْمَةٌ لِّلْعٰلَمِیْنَ، ہو عطا ایسا قرینہ دیکھ کر میٹھا مدینہ، عشق میں پھٹ جائے سینہ یا نبی سلام علیک یا رسول سلام علیک یا حبیب سلام علیک صلوٰۃ اللہ علیک نَزْع میں محبوبِ داور، کاش! دیکھیں روئے انور دیکھتے ہی جاں نچھاور، تم پہ کر دوں کاش! سرور یا نبی سلام علیک یا رسول سلام علیک یا حبیب سلام علیک صلوٰۃ اللہ علیک اے مدینے والے آقا، جتنے ہیں متوالے آقا سب کے سن لے نالے آقا، سب کو توبلوالے آقا یا نبی سلام علیک یارسول سلام علیک یا حبیب سلام علیک صلوٰۃ اللہ علیک آخری لمحے جب آئیں، کاش! وہ تشریف لائیں اپنے جلووں میں گمائیں، جھوم کر ہم گنگنائیں یا نبی سلام علیک یارسول سلام علیک یا حبیب سلام علیک صلوٰۃ اللہ علیک گنبدِ خضراء تمہارا، کس قدر ہے پیارا پیارا کاش! کرتے ہی نظارہ، جان و دل کردوں نثارا یا نبی سلام علیک یارسول سلام علیک یا حبیب سلام علیک صلوٰۃ اللہ علیک قبر میں ہو جس دم آنا، تم وہاں تشریف لانا چہرہ روشن دکھانا، گورِ تیرہ جگمانا یا نبی سلام علیک یارسول سلام علیک یا حبیب سلام علیک صلوٰۃ اللہ علیک الامان! ہنگامِ محشر، پیاس کی شدت سے سرور جب زبانیں آئیں باہر، تم پلانا جامِ کوثر یا نبی سلام علیک یارسول سلام علیک یا حبیب سلام علیک صلوٰۃ اللہ علیک حشر میں سرکار آنا، میرے عیبوں کو چھپانا اپنے رب سے بخشوانا، ساتھ جنت میں بسانا یا نبی سلام علیک یارسول سلام علیک یا حبیب سلام علیک صلوٰۃ اللہ علیک کاش! عطارؔ حزیں ہو، اور مدینے کی زمیں ہو اس کا وقتِ واپسی ہو، اور سرہانے تمہیں ہو یا نبی سلام علیک یارسول سلام علیک یا حبیب سلام علیک صلوٰۃ اللہ علیک حشر میں عطارؔ آئیں، آپ اُن پر رحم کھائیں اپنے دامن میں چھپائیں، اور رب سے بخشوائیں یا نبی سلام علیک یارسول سلام علیک یا حبیب سلام علیک صلوٰۃ اللہ علیک